തിരുവനന്തപുരം: സര്ക്കാരിന്റെ കൊവിഡ് പ്രതിരോധ പ്രവര്ത്തനങ്ങള് അശാസ്ത്രീയമാണെന്ന് ആവര്ത്തിച്ച് പ്രതിപക്ഷം. കൊവിഡ് മൂലം കേരളജനതായെ ദുരിതത്തിലും കടക്കെണിയിലുമകപ്പെട്ട് കിടക്കുകയാണ്. നിലവിലെ നിയന്ത്രണങ്ങളില് ഇളവുവരുത്തി ജനങ്ങള്ക്ക് പ്രയോജനപ്പെടുന്ന പാക്കേജുകള് സര്ക്കാര് പ്രഖ്യാപിക്കണം. ബാങ്കുകളുടെ യോഗം വിളിക്കുകയും റിക്കവറി നടപടികള് അടിയന്തരമായി നിര്ത്തിവയ്ക്കാന് നിര്ദേശം നല്കുകയും വേണമെന്നും വി. ഡി. സതീശന് പറഞ്ഞു.
ജനങ്ങള് ആത്മഹത്യ ചെയ്താല് അതിന്റെ പൂര്ണ ഉത്തരവാദിത്വം സര്ക്കാരിനാണെന്നും അദ്ദേഹം കൂട്ടിച്ചേര്ത്തു. വിദഗ്ദാഭിപ്രായം എന്ന പേരില് സര്ക്കാര് നിയന്ത്രണങ്ങള് ജനങ്ങള്ക്കുമേല് അടിച്ചേല്പ്പിക്കുകയാണ്. ഈ നിലപാട് മാറണം. സര്ക്കാരിന് കണ്ണും കാതും ഉണ്ടാകണം. എന്താണ് സംസ്ഥാനത്ത് നടക്കുന്നതെന്ന കൃത്യമായ ബോധം സര്ക്കാരിന് വേണമെന്നും വി. ഡി. സതീശന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കൊവിഡ് ദുരന്തനിവാരണ കമ്മീഷന് രൂപീകരിച്ച് അതാത് മേഖലകളില് കൊവിഡ് ഉണ്ടാക്കിയ ആഘാതങ്ങളെക്കുറിച്ച് പഠിക്കണം. തുടര്ന്ന് ആ മേഖലകളെ തിരികെക്കൊണ്ടുവരുന്നതിനുളള നടപടികള് സര്ക്കാര് സ്വീകരിക്കണമെന്നും അദ്ദേഹം പറഞ്ഞു.