തിരുവനന്തപുരം: ഉദ്യോഗസ്ഥയ്‌ക്കെതിരായ നടപടി അറിഞ്ഞിട്ടില്ലെന്ന് ആവര്‍ത്തിച്ച് റവന്യൂ മന്ത്രി കെ. രാജന്‍. 'മുഖ്യമന്ത്രിയോ മന്ത്രിയോ അറിയേണ്ട കാര്യങ്ങളുണ്ടെങ്കില്‍ മാത്രമേ ഞങ്ങളുടെ മുന്നിലേക്ക് അതുമായി ബന്ധപ്പെട്ട ഫയലുകള്‍ വരേണ്ടതുളളു. ഉദ്യോഗസ്ഥതലത്തില്‍ എല്ലായിടത്തും ഇടപെടേണ്ട കാര്യം റവന്യൂവകുപ്പ് മന്ത്രിക്കില്ല. റവന്യൂവകുപ്പില്‍ ഉദ്യോഗസ്ഥന്മാര്‍ തമ്മില്‍ നടക്കുന്ന ഏതെങ്കിലും പ്രക്രിയയില്‍ ഇടപെടേണ്ട കാര്യമുണ്ടെന്ന് തോന്നിയിട്ടില്ല എന്നാല്‍ റവന്യൂ മന്ത്രി ഇടപെടേണ്ട കാര്യമാണെങ്കില്‍ തീര്‍ച്ചയായും ഇടപെടും' കെ. രാജന്‍ പറഞ്ഞു. മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
റവന്യൂവകുപ്പില്‍ നടക്കുന്നതെല്ലാം റവന്യൂ മന്ത്രി അറിയുന്നുണ്ടോ എന്നായിരുന്നു പ്രതിപക്ഷ നേതാവിന്റെ ചോദ്യം. റവന്യൂ വകുപ്പ് സ്വയം പ്രഖ്യാപിത സൂപ്പര്‍ മന്ത്രിയായ സെക്രട്ടറിക്ക് അടിയറവുവച്ചോ എന്നും അദ്ദേഹം ചോദിച്ചു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
