തിരുവനന്തപുരം: സംസ്ഥാന സര്‍ക്കാര്‍ ജീവനക്കാരില്‍ ക്ലാസ്-സി, ക്ലാസ്-ഡി വിഭാഗങ്ങള്‍ക്ക് മാര്‍ച്ച് 31-വരെ ഓഫീസില്‍ വരുന്നതില്‍ സര്‍ക്കാര്‍ ഇളവ് പ്രഖ്യാപിച്ചു. ഒന്നിടവിട്ട ദിവസങ്ങളില്‍ ഓഫീസില്‍ ഹാജരായാല്‍ മതി. ബാക്കി ദിവസങ്ങളില്‍ വീട്ടിലിരുന്ന് ജോലിചെയ്താല്‍ മതിയാകും.
നാളെയുള്‍പ്പെടെ ഈ മാസത്തില്‍ ഇനി വരുന്ന രണ്ട് ശനിയാഴ്ചകളിലും സര്‍ക്കാര്‍ ജീവനക്കാര്‍ക്ക് അവധി പ്രഖ്യാപിച്ചിട്ടുണ്ട്. കൊറോണ മൂന്നാം ഘട്ടമായ സാമൂഹ്യ വ്യാപനം തടയാനുള്ള തീവ്ര ശ്രമത്തിലാണ് സംസ്ഥാന സര്‍ക്കാര്‍. കൊറോണയുടെ പശ്ചാത്തലത്തില്‍ ജീവനക്കാര്‍ക്ക് ഓഫീസ് വരവില്‍ ഇളവ് പ്രഖ്യാപിച്ചുകൊണ്ട് കേന്ദ്ര സര്‍ക്കാര്‍ നേരത്തെ തന്നെ ഉത്തരവിറക്കിയിരുന്നു.
