ബംഗളൂരു: പെഗാസസ് ഫോണ് ചോര്ച്ചയില് കേന്ദ്രസര്ക്കാരിനെ വിമര്ശിച്ച് സുബ്രമണ്യന് സ്വാമി. ഒന്നും ഒളിക്കാനില്ലെങ്കില് പ്രധാനമന്ത്രി നരേന്ദ്രമോദി ഇസ്രായേല് പ്രധാനമന്ത്രിക്ക് കത്തെഴുതണമെന്നും എന്എസ്ഒ പ്രോജക്ടിന് പണം നല്കിയതുള്പ്പെടെ ചോദിക്കണമെന്നും സുബ്രമണ്യന് സ്വാമി പറഞ്ഞു. പെഗാസസ് വിഷയത്തില് നിരന്തരം കേന്ദ്രസര്ക്കാരിനുനേരേ വിമര്ശനമുന്നയിക്കുന്നയാളാണ് ബിജെപി എംപി കൂടിയായ സുബ്രമണ്യന് സ്വാമി.
സാമ്പത്തിക കരാറുകള്ക്കനുസരിച്ച് പണിയെടുക്കുന്ന സ്ഥാപനമാണ് പെഗാസസ്. അവരുടെ ഇന്ത്യന് ദൗത്യത്തിനു പണം നല്കിയതാരെന്ന ആരെന്ന ചോദ്യം ഒഴിവാക്കാന് സാധിക്കില്ല. കേന്ദ്രസര്ക്കാരല്ലെങ്കില് പിന്നെ ആരാണെന്നത് വ്യക്തമാക്കേണ്ടത് സര്ക്കാരിന്റെ ഉത്തരവാദിത്വമാണെന്ന് സുബ്രമണ്യന് സ്വാമി കഴിഞ്ഞ ദിവസം പറഞ്ഞിരുന്നു.