കൊച്ചി: പുതുതായി 5 വിദേശികള്‍ക്ക് കൂടി കൊറോണ സ്ഥിരീകരിച്ചു. കൃഷി മന്ത്രി വി.എസ്.സുനില്‍ കുമാര്‍, ജില്ല കലക്ടര്‍ എന്നിവര്‍ സംയുക്തമായി നടത്തിയ വാര്‍ത്താ സമ്മേളനത്തിലാണ് വിവരം പുറത്തുവിട്ടത്. നേരത്ത വിവാദമുണ്ടാക്കിയ ബ്രിട്ടീഷ് പൌരന്‍റെ സംഘത്തിലുണ്ടായിരുന്നവര്‍ക്കാണ് ഇപ്പോള്‍ രോഗം സ്ഥിരീകരിച്ചിരിക്കുന്നത്.
രോഗികളെല്ലാവരും അറുപത് മുതല്‍ എണ്‍പതു വയസ്സുവരെ പ്രായമുള്ളവരാണെന്ന് മന്ത്രി വി.എസ്.സുനില്‍ കുമാര്‍ അറിയിച്ചു. സംഘത്തില്‍ ഒരു സ്ത്രീയുമുണ്ട്. ഇവരെ കളമശ്ശേരി മെഡിക്കല്‍ കൊളേജി ലേക്ക് മാറ്റിയതായി മന്ത്രി അറിയിച്ചു.
