തിരുവനന്തപുരം: കൊവിഡ് ലോക്ക്ഡൌണിനെ തുടര്ന്ന് അടച്ച സിനിമാ തിയേറ്ററുകള് വീണ്ടും തുറക്കുന്നു. കൊവിഡ് കേസുകള് ഏറ്റവും കൂടുതലുള്ള സംസ്ഥാനങ്ങളായ മഹാരാഷ്ട്രയിലും, കേരളത്തിലും തിയേറ്ററുകള് തുറക്കില്ല. രാജ്യത്തെ 4000 തിയേറ്ററുകളാണ് ആദ്യഘട്ടത്തില് തുറക്കുക. കൊവിഡ് പ്രോട്ടോകോള് പാലിച്ച് 50 ശതമാനത്തില് താഴെ മാത്രം ആളുകള്ക്കെ പ്രവേശനം ഉണ്ടായിരിക്കുകയുള്ളു. എന്നാല് തെലുങ്കാനയില് 100 ശതമാനം ആളുകള്ക്കും പ്രവേശനം അനുവദിച്ചിട്ടുണ്ട്.
മഹാരാഷ്ട്രയിലും കേരളത്തിലും സിനിമകള് പ്രദര്ശിപ്പിക്കാന് അനുമതി ലഭിച്ചിട്ടില്ല. ഡല്ഹി, ആന്ധപ്രദേശ്, ഗുജറാത്ത്, ഉത്തര് പ്രദേശ്, പഞ്ചാബ് എന്നിവിടങ്ങളിലെ തിയേറ്ററുകളില് വെള്ളിയാഴ്ച മുതല് 50 ശതമാനം ആളുകളെ പ്രവേശിപ്പിക്കും. ഹോളിവുഡ് ചിത്രം മോര്ട്ടല് കോംപാക്ട്, തെലുങ്ക് ചിത്രങ്ങളായ ഇഷ്ക്, തിമ്മാരുസു, നരസിംഹപുരം തുടങ്ങിയ ചിത്രങ്ങളാണ് പുത്തന് റിലീസുകള്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, സംസ്ഥാനത്ത് ഇന്നലെ 22,064 പേര്ക്ക് കോവിഡ് സ്ഥിരീകരിച്ചു. മലപ്പുറം 3679, തൃശൂര് 2752, കോഴിക്കോട് 2619, എറണാകുളം 2359, പാലക്കാട് 2034, കൊല്ലം 1517, കണ്ണൂര് 1275, തിരുവനന്തപുരം 1222, കോട്ടയം 1000, ആലപ്പുഴ 991, കാസര്ഗോഡ് 929, വയനാട് 693, പത്തനംതിട്ട 568, ഇടുക്കി 426 എന്നിങ്ങനെയാണ് ജില്ലകളില് ഇന്നലെ രോഗ ബാധ സ്ഥിരീകരിച്ചത്.