ഡല്ഹി: പ്രധാനമന്ത്രി ആഹ്വാനം ചെയ്ത ജനതാ കര്ഫ്യൂവിന്റെ ഭാഗമായി നാളെ (ഞായര്) രാജ്യത്താകമാനമുള്ള പാസഞ്ചര് തീവണ്ടികള് പണിമുടക്കും. രാവിലെ എഴുമണി മുതല് രാത്രി ഒന്പതു മണി വരെയാണ് ജനതാ കര്ഫ്യ. എന്നാല് രാവിലെ ഏഴ് മണിക്ക്, പുറപ്പെടുന്ന തീവണ്ടികള് ലക്ഷ്യ സ്ഥാനത്ത് യാത്രക്കാരെ എത്തിച്ചതിനു ശേഷം മാത്രമേ യാത്ര അവസാനിപ്പിക്കുവെന്നു അധികൃതര് അറിയിച്ചു. നാളെ രാത്രി പത്തുമണിക്ക് ശേഷം ഷെഡൃള് ചെയ്ത പാസഞ്ചര് തീവണ്ടികള് മാത്രമേ സര്വീസ് നടത്തു.
കൊറോണ രോഗികളുടെ എണ്ണത്തില് വര്ദ്ധനവുണ്ടായതിനെ തുടര്ന്നാണ് വെസ്റ്റേണ്, ഈസ്റ്റേണ് , സെന്ട്രല് റെയില്വേ സോണുകള് വ്യത്യാസമില്ലാതെ യാത്രാ നിയന്ത്രണങ്ങള് ഏര്പ്പെടുത്താന് റെയില്വേ തീരുമാനിച്ചത്. ദീര്ഘദൂര തീവണ്ടികളിലെ ഭക്ഷണ വിതരണവും പാന്ട്രി കാര് സംവിധാനവും ഇനിയോരറിയിപ്പ് ഉണ്ടാകുന്നതു വരെ പ്രവര്ത്തിക്കില്ലെന്ന് ഐ.ആര്.സി.ടി.സി.അധികൃതര് അറിയിച്ചു.
തീവണ്ടികള് സര്വീസ് നിര്ത്തിവെക്കുന്നതിനു പുറമേ റെയില്വേ പ്ലാറ്റ് ഫോമിലെ തിരക്ക് കുറക്കുന്നതിന്റെ ഭാഗമായി ഭോജന ശാലകള്ക്ക് സമയ നിയന്ത്രണം ഏര്പ്പെടുത്തുന്ന കാര്യവും പരിഗണയിലുണ്ട്.