തിരുവനന്തപുരം: അഞ്ചുതെങ്ങില് മീന്വില്പ്പനക്കാരിക്കുനേരെയുണ്ടായ പൊലീസിന്റെ അതിക്രമത്തെ ന്യായീകരിച്ച് മുഖ്യമന്ത്രി പിണറായി വിജയന്. കൊവിഡ് നിയന്ത്രണങ്ങള് ലംഘിച്ച് മീന് കച്ചവടം നടത്തിയ മേരിയുടെ മീന്കുട്ട പൊലീസ് തട്ടിത്തെറിപ്പിച്ചെന്ന തരത്തില് നടക്കുന്ന പ്രചാരണം വസ്തുതാ വിരുദ്ധമാണെന്നും തെറ്റായ പ്രചരണമാണ് നടക്കുന്നതെന്നും മുഖ്യമന്ത്രി പറഞ്ഞു.
ദൃശ്യങ്ങള് കൃത്രിമമായി നിര്മ്മിച്ചതാണ്, ചാനലുകളും സമൂഹമാധ്യമങ്ങളും സംഭവം വളച്ചൊടിച്ചതാണ് എന്നാണ് പൊലീസ് റിപ്പോര്ട്ടെന്നും മുഖ്യമന്ത്രി നിയമസഭയില് പറഞ്ഞു. മേരിയുടെ മീന്കുട്ടകള് പൊലീസ് നശിപ്പിക്കുന്ന വീഡിയോ സമൂഹമാധ്യമങ്ങളില് വൈറലായതിനുപിന്നാലെ പൊലീസ് വിശദീകരണവുമായി രംഗത്തെത്തിയിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
മേരിയുടെ മീന്കുട്ട പൊലീസ് നശിപ്പിക്കുന്ന വീഡിയോ സമൂഹമാധ്യമങ്ങളില് വൈറലായതിനുപിന്നാലെ കേരളാ പൊലീസിന്റെ ഔദ്യോഗിക പേജില് വരെ നാട്ടുകാര് പ്രതികരിച്ചിരുന്നു. മീന് വില്പ്പനയുമായി ബന്ധപ്പെട്ട് പ്രചരിക്കുന്ന വീഡിയോ വസ്തുതാവിരുദ്ധമാണ്. പാരിപ്പളളി സ്റ്റേഷന് പരിധിയിലുളള സ്ഥലം ഡി കാറ്റഗറിയിലാണ്. അവിടെ എല്ലാ തരം കച്ചവടങ്ങള്ക്കും നിയന്ത്രണമേര്പ്പെടുത്തിയിരുന്നു. ഇത് ലംഘിച്ച് മത്സ്യകച്ചവടം നടക്കുകയും അവിടെ ആളുകള് കൂടുകയും ചെയ്തു. ഇതിനെതിരെ പൊലീസ് നടപടി എടുത്തപ്പോള് ആസൂത്രിതമായി ചിത്രീകരിച്ച വീഡിയോയാണ് സമൂഹമാധ്യമങ്ങളില് പ്രചരിപ്പിക്കുന്നത് എന്നാണ് പൊലീസിന്റെ വിശദീകരണം.