ചെന്നൈ: സിനിമാചിത്രീകരണത്തിനിടെ നടന് പ്രകാശ് രാജിന് പരിക്ക്. ധനുഷ് നായകനാവുന്ന തിരുചിത്രംമ്പലം എന്ന ചിത്രത്തിന്റെ ഷൂട്ടിംഗിനിടെയാണ് പ്രകാശ് രാജിന് പരിക്കേറ്റത്. ഷൂട്ടിങ്ങിനിടെ വീണ താരത്തിന്റെ കൈക്കാണ് പരിക്കേറ്റത്. നടന് തന്നെയാണ് വിവരം ട്വിറ്ററിലൂടെ ആരാധകരെ അറിയിച്ചത്.
' ചെറിയൊരു വീഴ്ച്ച, ഒരു ഒടിവ്, ശസ്ത്രക്രിയക്കായി ഹൈദരാബാദിലേക്ക് പോവുകയാണ്. തന്റെ സുഹൃത്തായ ഗുരുവറെഡ്ഡിയുടെ അടുത്തേക്കാണ് സര്ജറിക്കായി പോകുന്നത്. അദ്ദേഹത്തിന്റെ കൈകളില് താന് സുരക്ഷിതനായിരിക്കും. ഞാന് സുഖം പ്രാപിക്കും. നിങ്ങളുടെ ചിന്തകളില് എന്നെയും ഉള്പ്പെടുത്തുക' എന്നായിരുന്നു താരം ട്വീറ്റ് ചെയ്തത്. ധനുഷിനെ നായകനാക്കി മിത്രന് ജവഹര് സംവിധാനം ചെയ്യുന്ന ചിത്രമാണ് തിരുചിത്രംമ്പലം. റാഷി ഖന്ന, നിത്യ മേനോന്, ഭവാനി ശങ്കര് തുടങ്ങിയവരും ചിത്രത്തില് അണിനിരക്കുന്നുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തിരുചിത്രമ്പലത്തിനുശേഷം പ്രകാശ് രാജ് മലയാളചിത്രം പടയിലാണ് അഭിനയിക്കുക. കുഞ്ചാക്കോ ബോബന്, ദിലീഷ് പോത്തന്, ജോജു ജോര്ജ്ജ്, വിനായകന് തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. പട സംവിധാനം ചെയ്യുന്നത് കമല് കെ. എം ആണ്.