കേപ്പ് ടൌണ്: ദക്ഷിണാഫ്രിക്കയില് നടന്ന പിപിഇ കിറ്റ് അഴിമതി പുറത്തുകൊണ്ടുവന്ന ഇന്ത്യന് വംശജ ബബിത ദേവ്കരണ് വെടിയേറ്റ് മരിച്ചു. കാറില് വീട്ടിലേക്ക് മടങ്ങുമ്പോഴായിരുന്നു സംഭവം. ബബിതയുടെ മരണത്തില് ദക്ഷിണാഫ്രിക്കന് സര്ക്കാര് ഉന്നതതല അന്വേഷണം പ്രഖ്യാപിച്ചു.
ഗൌതംഗ് പ്രവിശ്യ ആരോഗ്യ വിഭാഗത്തിലെ മുതിര്ന്ന ഉദ്യോഗസ്ഥയാണ് ബബിത. പിപിഇ കിറ്റ് വിതരണക്കരാറുമായി ബന്ധപ്പെട്ട് ബബിത നല്കിയ റിപ്പോര്ട്ട് വന് അഴിമതി പുറത്ത് കൊണ്ടുവന്നിരുന്നു. ഇതിന് പിന്നാലെയാണ് ബബിത വെടിയേറ്റ് മരണപ്പെട്ടത്. തന്റെ ജീവന് ഭീഷണിയുള്ളതായി ഒരിക്കല് പോലും ബബിത സൂചിപ്പിച്ചിരുന്നില്ലെന്ന് സീരിയസ് ക്രൈം ഇന്വെസ്റ്റിഗേഷന് യൂണിറ്റ് വക്താവ് കൈസര് കന്യാഗോ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ചൊവ്വാഴ്ച രാവിലെ കുട്ടിയെ സ്കൂളില് കൊണ്ട് വിട്ട് തിരിച്ച് വരുന്ന വഴിയാണ് അക്രമകാരികള് ബബിതക്ക് നേരെ വെടി വെച്ചത്. ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ലെന്ന് അധികൃതര് വ്യക്തമാക്കി. ബബിതയുടെ മരണവുമായി ബന്ധപ്പെട്ട അന്വേഷണം പുരോഗമിക്കുകയാണ്. കൊലപാതകവുമായി ബന്ധപ്പെട്ട് ഇതുവരെ ആരെയും അറസ്റ്റ് ചെയ്യ്തിട്ടില്ലെന്നും പോലീസ് കൂട്ടിച്ചേര്ത്തു.