ബംഗളുരു: മയക്കുമരുന്ന് കേസില് അറസ്റ്റിലായ മോഡലും നടിയുമായ സോണിയാ അഗര്വാളിന്റെ ചിത്രത്തിനു പകരം തന്റെ ചിത്രം ഉപയോഗിച്ചതിനെതിരെ തമിഴ് നടി സോണിയാ അഗര്വാള് രംഗത്ത്. മയക്കുമരുന്ന് കേസില് ഉള്പ്പെട്ട നടിയെന്ന തരത്തില് തന്റെ ചിത്രങ്ങളാണ് ചില ഓണ്ലൈന് മാധ്യമങ്ങളുള്പ്പെടെ ഉപയോഗിച്ചതെന്നും വ്യാജ വാര്ത്ത പ്രചരിപ്പിച്ച മാധ്യമങ്ങള്ക്കെതിരെ നിയമനടപടി സ്വീകരിക്കുമെന്നും സോണിയാ അഗര്വാള് പറഞ്ഞു.
'വാര്ത്തകള് വന്നതിനുപിന്നാലെ നിരന്തരം ഫോണ് കോളുകള് വന്നുകൊണ്ടിരുന്നു. അതുമൂലം താനും കുടുംബവും നേരിട്ട മാനസിക സംഘര്ഷം വളരെ വലുതാണ്. തന്റെ പേരില് വ്യാജവാര്ത്ത പ്രചരിപ്പിച്ച മാധ്യമങ്ങള്ക്കും മാധ്യമപ്രവര്ത്തകര്ക്കുമെതിരെ ശക്തമായ നിയമനടപടിയുമായി മുന്നോട്ടുപോകും' എന്നാണ് സോണിയാ അഗര്വാള് ട്വീറ്റ് ചെയ്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക