മമ്മൂട്ടി, ആത്മസമർപ്പണം, ആത്മവിശ്വാസം, ആത്മസംയമനം എന്നിവയുടെ പ്രതീകം: ഹരീഷ് വാസുദേവൻ

ആത്മസമർപ്പണം, ആത്മവിശ്വാസം, ആത്മസംയമനം എന്നിവയുടെ പ്രതീകമാണ് മമ്മൂട്ടിയെന്ന്  അഡ്വക്കറ്റ്  ഹരീഷ് വാസുദേവൻ. സ്വന്തം സ്വപ്നങ്ങൾ നേടാനായി സസൂക്ഷ്മമായി ശ്രമിക്കുന്ന, തൊഴിലിനോട്, ജീവിതത്തോട്, ഇത്രയേറെ വിട്ടുവീഴ്ചയില്ലാത്ത ആത്മസമർപ്പണം നടത്തുന്ന ഈ പ്രായത്തിലുള്ള അധികം മനുഷ്യരേ തനിക്ക് പരിചയമില്ലെന്നും ഹരീഷ്  ഫേസ്ബുക്കിൽ കുറിച്ചു. ചുറ്റും നടക്കുന്ന സാമൂഹിക അനീതികൾക്ക് എതിരായി തന്റെ തൊഴിൽ പരിമിതികൾക്ക് അകത്ത് നിന്നുകൊണ്ട് മമ്മൂട്ടി പ്രതികരിക്കാറുണ്ടെന്നും ഹരീഷ് അഭിപ്രായപ്പെട്ടു.

ഹരീഷ് വാസുദേവന്റെ ഫേസ്ബുക്ക് കുറിപ്പിന്റെ പൂർണ രൂപം

മമ്മൂട്ടി എന്നെ സംബന്ധിച്ച് വിസ്മയിപ്പിക്കുന്ന ഒരു മഹാനടൻ മാത്രമല്ല. ആത്മസമർപ്പണം, ആത്മവിശ്വാസം,ആത്മസംയമനം എന്നീ വാക്കുകളുടെ ശരീരരൂപമാണ് എനിക്ക് മമ്മൂട്ടി. സ്വന്തം സ്വപ്നങ്ങൾ നേടാനായി സസൂക്ഷ്മമായി ശ്രമിക്കുന്ന, തൊഴിലിനോട്, ജീവിതത്തോട്, ഇത്രയേറെ വിട്ടുവീഴ്ചയില്ലാത്ത ആത്മസമർപ്പണം നടത്തുന്ന ഈ പ്രായത്തിലുള്ള അധികം മനുഷ്യരേ എനിക്ക് പരിചയമില്ല. മമ്മൂട്ടി ഇന്ന് കാണുന്ന മഹാനടനായത് പ്രധാനമായും ഈ ആത്മസമർപ്പണം കൊണ്ടാണ് എന്നാണ് കൂടെയുള്ളവരുടെ സാക്ഷ്യം. നമ്മളിലെത്ര പേർക്ക് അത് പിന്തുടരനാകുന്നുണ്ട്? അവനവന്റെ കുറവുകൾ മറ്റാരേക്കാളും തിരിച്ചറിയുകയും അതിനെ മറികടക്കാൻ ശ്രദ്ധാപൂർവ്വമായ, അർപ്പണബോധത്തോടെയുള്ള ശ്രമം നടത്തുക എന്നതിൽ മാതൃകയാണ് ഇദ്ദേഹം. 

ചുറ്റും നടക്കുന്ന സാമൂഹിക അനീതികൾക്ക് എതിരായി തന്റെ തൊഴിൽ പരിമിതികൾക്ക് അകത്ത് നിന്നുകൊണ്ട് പ്രതികരിക്കുക, ഒരു മതേതര-ജനാധിപത്യ സമൂഹത്തെ പിന്തുണയ്ക്കുക എന്നത് ഇന്നത്തെ സമൂഹത്തിൽ വിലപിടിപ്പുള്ള, എളുപ്പമല്ലാത്ത കാര്യമാണ്. (ഗുജറാത്ത് വിഷയത്തിൽ മമ്മുട്ടി നിവർന്നുനിന്നു പ്രതികരിച്ചു കണ്ട ഓർമ്മയാണ് ആദ്യം എത്തുന്നത്)

ലഹരിക്കെതിരായി ധൈര്യമായി സംസാരിക്കുന്നത് ജീവിതം തന്നെ ലഹരിയാക്കാൻ കഴിയുന്നത് കൊണ്ടാണ്. ആരോഗ്യകാര്യത്തിലെയും ഭക്ഷണത്തിലെയും മമ്മൂട്ടിയുടെ പാതിശ്രദ്ധ ഉണ്ടായിരുന്നെങ്കിൽ എന്നു പലപ്പോഴും തോന്നിയിട്ടുണ്ട്. 

ദൂരെ നിന്ന് കണ്ട മമ്മുക്കയല്ല മൂന്നു വർഷമായി അൽപ്പം അടുത്തുനിന്ന് കാണുന്ന, നമ്മളോട് ഇടപെടുന്ന മമ്മുക്ക. ശ്രദ്ധക്കുറവ് കൊണ്ട് എനിക്കൊരു ആരോഗ്യപ്രശ്നം ഉണ്ടായപ്പോൾ, എത്രയോ തിരക്കുള്ള ആ മനുഷ്യൻ "ആരോഗ്യം ശ്രദ്ധിക്കണം" എന്നു എന്നെ ഓർമ്മിപ്പിച്ചപ്പോൾ ഒരു ചമ്മലാണ് ആദ്യം തോന്നിയത്. പുതുതായി പരിചയപ്പെടുന്ന ചെറിയ മനുഷ്യരുടെ ജീവിതത്തിൽപ്പോലും ഉണ്ടാകുന്ന വിഷമങ്ങളിൽ സാമ്പത്തികമായും അല്ലാതെയും കൂടെയുണ്ടാകുക എന്നത് അന്യം നിൽക്കുന്ന ഒരു ഗുണമാണ്..

മമ്മൂട്ടി തലമുറകളുടെ 'മമ്മുക്ക'യായി ഇരിക്കുന്നത് ഇതുകൊണ്ടൊക്കെയാവണം..

70 ന്റെ നിറവിൽ പിറന്നാൾ ആശംസകൾ ❤️??

Contact the author

Web Desk

Recent Posts

Web Desk 12 hours ago
Keralam

വീണ വിജയന്‍റെ കമ്പനിയായ എക്സാലോജിക്കിനെതിരെ ഇഡി കേസെടുത്തു

More
More
Web Desk 1 day ago
Keralam

കലാമണ്ഡലത്തില്‍ ഇനി ആണ്‍കുട്ടികള്‍ക്കും മോഹിനിയാട്ടത്തിന് പ്രവേശനം ലഭിക്കും

More
More
Web Desk 2 days ago
Keralam

സിദ്ധാര്‍ഥിന്റെ മരണം; കേസ് അട്ടിമറിക്കാനുളള നീക്കം എന്ത് വില കൊടുത്തും ചെറുക്കും- വി ഡി സതീശന്‍

More
More
Web Desk 2 days ago
Keralam

കേരളം ഇന്ന് 4866 കോടി കടമെടുക്കും

More
More
Web Desk 3 days ago
Keralam

സസ്‌പെന്‍ഡ് ചെയ്ത വിദ്യാര്‍ത്ഥികളെ തിരിച്ചെടുത്ത സംഭവം; വിസിക്കെതിരെ പരാതി നല്‍കുമെന്ന് സിദ്ധാര്‍ഥിന്റെ അച്ഛന്‍

More
More
Web Desk 3 days ago
Keralam

'എന്തിന്' ? ; കെ സുരേന്ദ്രന്റെ വയനാട് സ്ഥാനാര്‍ത്ഥിത്വത്തെ പരിഹസിച്ച് ടി സിദ്ദിഖ്

More
More