ഡല്‍ഹി: കേന്ദ്രസര്‍ക്കാരും, എ ഐ എം ഐ എം നേതാവ് അസദുദ്ദീന്‍ ഉവൈസിയും ഒരേ ടീമാണെന്നും, അവരുടെ നീക്കങ്ങള്‍ കര്‍ഷകര്‍ എപ്പോഴും ശ്രദ്ധിക്കുന്നുണ്ടെന്നും ഭാരതീയ കിസാന്‍ യൂണിയന്‍ നേതാവ് രാകേഷ് ടികായത്. ഉവൈസിയടക്കം നിരവധി നേതാക്കള്‍ പ്രവര്‍ത്തിക്കുന്നത് ബിജെപിയുമായി ചേര്‍ന്നാണെന്നും രാകേഷ് ടികായത് ആരോപിച്ചു.
ഉവൈസിയും, ബിജെപിയും ഒറ്റ ടീമാണ്. ഉവൈസി ബിജെപി സര്‍ക്കാരിനെ കുറ്റം പറയും. എന്നാല്‍ അവര്‍ക്കെതിരെ ഒരു കേസ് പോലും ഫയല്‍ ചെയ്യില്ല. കര്‍ഷകര്‍ ഇതെല്ലാം ശ്രദ്ധിക്കുന്നുണ്ട്. ബിജെപിയുടെ എല്ലാം സഹായങ്ങളും എ ഐ എം ഐ എംക്ക് ലഭിക്കുന്നുണ്ട് - ടികായത് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം, കേന്ദ്ര സര്‍ക്കാര്‍ കര്‍ഷകനിയമം പിന്‍വലിക്കുന്നത് വരെ കര്‍ഷകര്‍ പ്രക്ഷോഭം തുടരും. അതുവരെ കര്‍ഷകര്‍ ഡല്‍ഹി വിട്ട് പോകില്ലെന്നും ടികായത് കൂട്ടിച്ചേര്‍ത്തു. കര്‍ഷകരാണോ, കുത്തക മുതലാളിമാരാണോ കേന്ദ്ര സര്‍ക്കാരിന് പ്രിയപ്പെട്ടതെന്ന് വ്യക്തമാക്കണമെന്നും കര്‍ഷക നേതാക്കള്‍ ആവശ്യപ്പെട്ടു.
