തിരുവനന്തപുരം: കെ പി സി സി രാഷ്ട്രീയകാര്യസമിതിയില്‍ നിന്നുളള വി എം സുധീരന്റെ രാജിയില്‍ പ്രതികരണവുമായി കെ പി സി സി പ്രസിഡന്റ് കെ സുധാകരന്‍. വി എം സുധീരന്റെ പരാതിയെന്താണെന്ന് അറിയില്ലെന്നും ഇന്നലെ വൈകുന്നേരമാണ് രാജിക്കത്ത് ലഭിച്ചത് എന്നും സുധാകരന്‍ പറഞ്ഞു.
സുധീരന്റെ രാജിക്കത്ത് താന്‍ വായിച്ചിട്ടില്ല അതിനകത്ത് എന്താണെന്ന് അറിയില്ല, അനിവാര്യമായ സാഹചര്യത്തിലാണ് സുധീരന്റെ രാജിയെങ്കില്‍ കുറ്റം പറയാനാകില്ലെന്നും കെ സുധാകരന്‍ പറഞ്ഞു. എല്ലാ മുതിര്‍ന്ന നേതാക്കളോടും ബഹുമാനമാണ്. ആരെയും അകറ്റാനോ ഒഴിവാക്കാനോ ശ്രമിച്ചിട്ടില്ല. യോഗത്തിന് വിളിക്കാറുണ്ടെങ്കിലും പലരും വരാറില്ല. പുനസംഘടന സംബന്ധിച്ച് എല്ലാവരുമായും ചര്‍ച്ച നടത്തിയിരുന്നുവെന്നും കെ പി സി സി പുനസംഘടന സംബന്ധിച്ച് ധാരണയായിട്ടുണ്ടെന്നും തീരുമാനം ഉടനുണ്ടാവുമെന്നും സുധാകരന്‍ കൂട്ടിച്ചേര്‍ത്തു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
