ഡല്ഹി: നര്ക്കോട്ടിക് ജിഹാദ് പരാമര്ശത്തില് പാലാ ബിഷപ്പ് ജോസഫ് കല്ലറങ്ങാട്ടിനെതിരെ രൂക്ഷവിമര്ശനവുമായി മുതിര്ന്ന കോണ്ഗ്രസ് നേതാവ് പി ചിദംബരം. യുവതീയുവാക്കളെ ഭയപ്പെടുത്താനായി ഹിന്ദു വര്ഗീയവാദികള് കണ്ടെത്തിയ രാക്ഷസനായിരുന്നു ലവ് ജിഹാദ്. പുതിയ രാക്ഷസനാണ് നാര്ക്കോട്ടിക് ജിഹാദ്. അതിന്റെ സൃഷ്ടാവ് ഫാദര് ജോസഫ് കല്ലറങ്ങാട്ടിനെപ്പോലെ ഒരു ബിഷപ്പായതില് തനിക്കും ദശലക്ഷക്കണക്കിന് ഇന്ത്യക്കാര്ക്കും വേദനയുണ്ട് എന്ന് പി ചിദംബരം പറഞ്ഞു. ഇന്ത്യന് എക്സ്പ്രസില് എഴുതിയ ലേഖനത്തിലാണ് പാലാ ബിഷപ്പിനെതിരായ വിമര്ശനം.
'ബിഷപ്പിന്റെ വികൃതമായ ചിന്തയാണ് ഈ പരാമര്ശത്തിലൂടെ പുറത്തുവന്നത്. സാമുദായിക ചേരിതിരിവുണ്ടാക്കുകയാണ് ഇത്തരം പരാമര്ശങ്ങളിലൂടെ ലക്ഷ്യമിടുന്നത്. മതഭ്രാന്തന്മാര്ക്ക് ഇസ്ലാം അപരവും മുസ്ലീങ്ങള് അപരന്മാരുമാണ്. വാക്കിലൂടെയോ പ്രവൃത്തിയിലൂടെ വിവേചനത്തിന്റെ സൂഷ്മതലങ്ങളിലൂടെയോ പ്രകടിപ്പിക്കുന്ന ഇത്തരം മതഭ്രാന്തിനെ ഒരു മതേതര രാജ്യം തീര്ച്ചയായും അവസാനിപ്പിക്കണം' പി ചിദംബരം പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്ത്യയില് മുസ്ലീങ്ങള് വ്യക്തമായ ലക്ഷ്യത്തോടെ അവരുടെ ജനസംഖ്യ വര്ധിപ്പിക്കുന്നതിന് തെളിവില്ല. നാര്ക്കോട്ടിക്ക് ജിഹാദിന്റെ പേരില് മുതലെടുപ്പ് നടത്തുന്നവര് ഗുജറാത്തില് പിടികൂടിയ മൂവായിരം കിലോ ഹെറോയിനെക്കുറിച്ച് സംസാരിക്കണമെന്നും ചിദംബരം കൂട്ടിച്ചേര്ത്തു.