മോന്‍സന്‍ ഓഫീസില്‍ വന്നപ്പോള്‍ സംസാരിക്കുക മാത്രമാണ് ചെയ്തത് - മന്ത്രി അഹമ്മദ് ദേവര്‍കോവില്‍

കോഴിക്കോട്: മോന്‍സന്‍ മാവുങ്കല്‍ തട്ടിപ്പുകാരനാണെന്ന വിവരം നേരത്തേ ലഭിച്ചിരുന്നതായി മന്ത്രി അഹമ്മദ് ദേവര്‍കോവില്‍. ഇയാള്‍ക്കെതിരെ അന്വേഷണം പുരോഗിക്കുകയായിരുന്നു അതിനാലാണ് അത് പുറത്തുപറയാതിരുന്നതെന്നും പൊലീസ് ആവശ്യപ്പെടുകയാണെങ്കില്‍ മോന്‍സന്റെ കൈവശമുളള ശേഖരം പുരാവസ്തുവകുപ്പ് പരിശോധിക്കുമെന്നും അഹമ്മദ് ദേവര്‍കോവില്‍ പറഞ്ഞു.

'ആളുകളെ എങ്ങനെ പറ്റിക്കാമെന്ന വിഷയത്തില്‍ ശാസ്ത്രീയ പഠനം നടത്തിയ ആളാണ് മോന്‍സന്‍. ഇത്രയും പ്രഗത്ഭരായ പൊലീസ് ഉദ്യോഗസ്ഥരെ പോലും വീഴ്ത്താനുളള കഴിവ് അയാള്‍ക്കുണ്ടായിരുന്നു. ഒരു വിദേശ മലയാളി സംഘടനയുടെ പേരില്‍ അദ്ദേഹം എന്നെ കാണാന്‍ വന്നിരുന്നു. തന്റെ കയ്യില്‍ വലിയ രീതിയിലുളള പുരാവസ്തുശേഖരമുളളതായി പറഞ്ഞിരുന്നു. എറണാകുളത്തുവരുമ്പോള്‍ തന്റെ സ്ഥാപനം സന്ദര്‍ശിക്കണമെന്നും പറഞ്ഞു. കൂടെ നിന്ന് ഫോട്ടോ എടുത്തിട്ടാണ് പോയത്. ഉടന്‍ സുഹൃത്ത് വിളിച്ച് പറയുകയുണ്ടായി ഇയാള്‍ തട്ടിപ്പുവീരനാണെന്ന്. മോന്‍സനെതിരായ അന്വേഷണത്തിന്റെ രേഖകളും ലഭിച്ചു. അന്വേഷണം പുരോഗമിക്കുന്ന സമയമായതിനാലാണ് സംഭവം പുറത്തുപറയാതിരുന്നത്' അഹമ്മദ് ദേവര്‍കോവില്‍ പറഞ്ഞു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

അയാള്‍ ഇത്തരത്തില്‍ പറ്റിച്ച നിരവധിപേരുടെ കഥകള്‍ പുറത്തുവന്നുകൊണ്ടിരിക്കുകയാണ്. അവരുടെ വിശ്വാസ്യതയെ മുതലെടുത്തുകൊണ്ടാണ് ഇദ്ദേഹം അവരെയെല്ലാം പറഞ്ഞ് പറ്റിച്ചത്. ഭാഗ്യത്തിന് താന്‍ അദ്ദേഹത്തിന്റെ വീട്ടിലോ ഓഫീസിലോ ഒന്നും പോയിട്ടില്ല. യാദൃശ്ചികമായി ഓഫീസില്‍ വന്നപ്പോള്‍ സംസാരിക്കുക മാത്രമാണ് ചെയ്തതെന്നും അദ്ദേഹം കൂട്ടിച്ചേര്‍ത്തു.

Contact the author

Web Desk

Recent Posts

Web Desk 8 hours ago
Keralam

നിരണത്ത് പക്ഷിപ്പനി: ആറായിരത്തോളം താറാവുകളെ കൊന്നൊടുക്കും

More
More
Web Desk 1 day ago
Keralam

14 വര്‍ഷത്തോളം വേര്‍പിരിഞ്ഞുകഴിഞ്ഞ ദമ്പതികള്‍ വീണ്ടും ഒന്നിക്കുന്നു

More
More
Web Desk 2 days ago
Keralam

വിരലിന് പകരം നാവിന് ശസ്ത്രക്രിയ; ആരോഗ്യമന്ത്രി അടിയന്തര റിപ്പോര്‍ട്ട് തേടി

More
More
Web Desk 3 days ago
Keralam

ജോസ് കെ മാണി സിപിഎമ്മിന്റെ അരക്കില്ലത്തില്‍ വെന്തുരുകാതെ യുഡിഎഫിലേക്ക് മടങ്ങണം- കോണ്‍ഗ്രസ് മുഖപത്രം

More
More
Web Desk 3 days ago
Keralam

നവവധുവിന് ക്രൂരമര്‍ദ്ദനം; കേസെടുക്കാതിരുന്ന പൊലീസിനെതിരെ മനുഷ്യാവകാശ കമ്മീഷന്‍ കേസെടുത്തു

More
More
Web Desk 4 days ago
Keralam

രാജ്യസഭാ സീറ്റില്‍ വിട്ടുവീഴ്ച്ചയില്ലെന്ന് കേരളാ കോണ്‍ഗ്രസ് എം

More
More