പാര്‍ട്ടിയില്‍ ചര്‍ച്ചകള്‍ നടക്കണം, ഞാന്‍ നിസ്സഹായനാണ്- പി ചിദംബരം

ഡല്‍ഹി: പഞ്ചാബ് കോണ്‍ഗ്രസിന്റെ പ്രതിസന്ധിയുമായി ബന്ധപ്പെട്ട് കോണ്‍ഗ്രസില്‍ ഉടലെടുത്ത പ്രശ്‌നങ്ങളില്‍ പ്രതികരണവുമായി മുതിര്‍ന്ന കോണ്‍ഗ്രസ് നേതാവ് പി ചിദംബരം. പാര്‍ട്ടിയില്‍ ഇനിയും അര്‍ത്ഥവത്തായ ചര്‍ച്ചകള്‍ തുടങ്ങാത്തതില്‍ താന്‍ നിസ്സഹായനാണ് എന്ന് അദ്ദേഹം ട്വീറ്റ് ചെയ്തു. കബില്‍ സിബലിന്റെ വീടിനുമുന്നില്‍ കോണ്‍ഗ്രസ് പ്രവര്‍ത്തകര്‍ നടത്തിയ പ്രതിഷേധത്തെയും അദ്ദേഹം അപലപിച്ചു.

' പാര്‍ട്ടി വേദികളില്‍ ഇനിയും അര്‍ത്ഥവത്തായ ചര്‍ച്ചകള്‍ ആരംഭിക്കാത്തതില്‍ താന്‍ നിസഹായനാണ്. സഹപ്രവര്‍ത്തകനായ എംപിയുടെ വീടിനു മുന്നില്‍ കോണ്‍ഗ്രസ് പ്രവര്‍ത്തകര്‍ മുദ്രാവാക്യം മുഴക്കുന്ന ചിത്രങ്ങള്‍ കാണുമ്പോള്‍ വേദനയും നിസ്സഹായതയും തോന്നുന്നു. ഈ അവസരത്തില്‍ മിണ്ടാതിരിക്കുന്നതാണ് നല്ലതെന്നാണ് തോന്നുന്നത്' പി ചിദംബരം ട്വീറ്റ് ചെയ്തു. പഞ്ചാബ് കോണ്‍ഗ്രസിലെ പ്രതിസന്ധിയുമായി ബന്ധപ്പെട്ടാണ് കബില്‍ സിബല്‍ കഴിഞ്ഞ ദിവസം കോണ്‍ഗ്രസ് നേതൃത്വത്തെ വിമര്‍ശിച്ചത്.

പാര്‍ട്ടിയ്ക്ക് ഒരു മുഴുവന്‍ സമയ പ്രസിഡന്റ് ഇല്ലെന്നും ആരാണ് പാര്‍ട്ടിയുടെ തീരുമാനങ്ങളെടുക്കുന്നതെന്ന് അറിയില്ലെന്നുമാണ് കബില്‍ സിബല്‍ പറഞ്ഞത്. രാജ്യം വലിയ വെല്ലുവിളി നേരിടുമ്പോള്‍ പാര്‍ട്ടിയില്‍ നിന്ന് നേതാക്കള്‍ ഓരോരുത്തരായി പോവുകയാണ്. അതിനുകാരണം പാര്‍ട്ടിയുടെ പിഴവാണോ എന്ന് പരിശോധിക്കണം. കോണ്‍ഗ്രസിന്റെ വിരോധാഭാസം എന്തെന്നാല്‍ തങ്ങളുടെ അടുപ്പക്കാരെന്ന് നേതാക്കള്‍ കരുതുന്നവരാണ് പാര്‍ട്ടി വിട്ട് പോകുന്നത്. അടുപ്പമില്ലെന്ന് കരുതുന്നവര്‍ ഇന്നും പാര്‍ട്ടിയില്‍ തന്നെയുണ്ടെന്നും അദ്ദേഹം പറഞ്ഞിരുന്നു. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

കബില്‍ സിബലിന്റെ പ്രതികരണത്തിനുപിന്നാലെ ഒരു വിഭാഗം കോണ്‍ഗ്രസ് പ്രവര്‍ത്തകര്‍ അദ്ദേഹത്തിന്റെ വീടിനുമുന്നിലെത്തി പ്രതിഷേധിക്കുകയും മുദ്രാവാക്യം വിളിക്കുകയും ചെയ്തിരുന്നു. ഡല്‍ഹി യൂത്ത് കോണ്‍ഗ്രസിന്റെ പേരിലായിരുന്നു പ്രതിഷേധം. കോണ്‍ഗ്രസിന്റെ നല്ലകാലത്ത് എല്ലാ ആനുകൂല്യങ്ങളും കൈപ്പറ്റിയിട്ട് ഇപ്പോള്‍ വിമര്‍ശിക്കാന്‍ നില്‍ക്കുന്നവര്‍ പാര്‍ട്ടി വിട്ട് പോകണമെന്നായിരുന്നു പ്രതിഷേധക്കാരുടെ ആവശ്യം.

Contact the author

National Desk

Recent Posts

National Desk 21 hours ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 21 hours ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 2 days ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More
National Desk 2 days ago
National

2047-ല്‍ ഇന്ത്യയെ വികസിത രാഷ്ട്രമാക്കുമെന്ന മോദിയുടെ വാദം അസംബന്ധം- രഘുറാം രാജന്‍

More
More