മുംബൈ: മുംബൈയില് ആഡംബര കപ്പലിലെ ലഹരി പാര്ട്ടിയുമായി ബന്ധപ്പെട്ട് ഷാറൂഖ് ഖാന്റെ മകന് ആര്യന് ഖാന് അറസ്റ്റിലായ സംഭവത്തില് മലയാളി ബന്ധമെന്ന് സൂചന. ആര്യന് ലഹരി കൈമാറിയെന്ന് സംശയിക്കുന്ന സുഹൃത്ത് ശ്രേയസ് നായരെ നര്ക്കോട്ടിക്സ് കണ്ട്രോള് ബ്യൂറോ കസ്റ്റഡിയിലെടുത്തു. ആര്യന് ഖാന് നാലുവര്ഷമായി ലഹരി ഉപയോഗിക്കാറുണ്ടെന്നാണ് നാര്ക്കോട്ടിക്സ് ബ്യൂറോയുടെ കണ്ടെത്തല്. കോര്ഡീലിയ കപ്പലിലേക്ക് ലഹരിയെത്തിച്ച ആളെയും ആര്യനെയും ഒരുമിച്ചിരുത്തിയാണ് ചോദ്യം ചെയ്യുന്നത്. നാളെ വൈകുന്നേരത്തോടെ പ്രതികളെ കോടതിയില് ഹാജരാക്കും.
13 ഗ്രാം കൊക്കെയ്നും 21 ഗ്രാം ചരസും 22 എംഡിഎംഎ ഗുളികകളും 5 ഗ്രാം എംഡിയുമാണ് കപ്പലില് നിന്ന് പിടിച്ചെടുത്തത്. ആര്യന് ഖാന്റെ ലെന്സ് കെയ്സില് നിന്നാണ് മരുന്ന് കണ്ടെത്തിയതെന്നും 1.33 ലക്ഷം രൂപയുടെ മയക്കുമരുന്നാണ് പിടിച്ചെടുത്തതെന്നും എന്സിബി കോടതിയെ അറിയിച്ചു. ആര്യന് ഖാനും സുഹൃത്തുക്കളും മയക്കുമരുന്ന് വാങ്ങിയതിനും വിറ്റതിനും തെളിവുകളുണ്ടെന്നും എന്സിബി കോടതില് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ബോളിവുഡ്, ഫാഷന്, ബിസിനസ് മേഖലകളിലെ പ്രമുഖരുമായി മൂന്ന് ദിവസത്തെ സംഗീതയാത്രയാണ് കോര്ഡീലിയ കപ്പലില് സംഘടിപ്പിച്ചത്. കപ്പലില് നിരോധിത മരുന്നുകള് ഉണ്ടെന്ന രഹസ്യവിവരത്തെത്തുടര്ന്നായിരുന്നു എന്സിബിയുടെ റെയ്ഡ്.