രേവതി വീണ്ടും സംവിധായകയാവുന്നു; നായികയായി കാജോള്‍

നടിയായും സംവിധായകയായും കഴിവുതെളിയിച്ചയാളാണ് രേവതി. നീണ്ട പതിനൊന്ന് വര്‍ഷങ്ങള്‍ക്കുശേഷം വീണ്ടും ഒരു ചിത്രം സംവിധാനം ചെയ്യാനൊരുങ്ങുകയാണ് താരം. 'ദി ലാസ്റ്റ് ഹുറ' എന്നാണ് ചിത്രത്തിന് പേരിട്ടിരിക്കുന്നത്. ബോളിവുഡ് താരം കാജോളാണ് ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നത്. കജോള്‍ തന്നെയാണ് ചിത്രത്തിന്റെ പ്രഖ്യാപനം ട്വിറ്ററിലൂടെ നടത്തിയത്. 

'രേവതി എന്നെ വച്ച് സംവിധാനം ചെയ്യുന്ന ചിത്രം പ്രഖ്യാപിക്കുന്നതില്‍ അതിയായ സന്തോഷമുണ്ട്.  'ദി ലാസ്റ്റ് ഹുറ' എന്നാണ് ചിത്രത്തിന്റെ പേര്. ചിത്രത്തിന്റെ കഥ കേട്ടയുടന്‍ താന്‍ സമ്മതം മൂളി. അത്രമേല്‍ ഹൃദയസ്പര്‍ശിയായ കഥ' എന്നാണ് കാജോള്‍ ട്വിറ്ററില്‍ കുറിച്ചത്. സുജാത എന്ന അമ്മയുടെ കഥയാണ് ദി ലാസ്റ്റ് ഹുറ പറയുന്നത്. യഥാര്‍ത്ഥ കഥയെയും കഥാപാത്രങ്ങളെയും ആസ്പദമാക്കിയുളളതാണ് ചിത്രം. സമീര്‍ അറോറയാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്. ബിലീവ് പ്രൊഡക്ഷന്‍സിന്റെയും ടേക്ക് 23 സ്റ്റുഡിയോസിന്റെയും ബാനറില്‍ ശ്രദ്ധ അഗര്‍വാള്‍, സൂരജ് സിംഗ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യു

മിത്ര് മൈ ഫ്രണ്ട്, ഫിര്‍ മിലേംഗേ, റെഡ് ബില്‍ഡിംഗ് വേര്‍ ദ സണ്‍ സെറ്റ്‌സ്, മുംബൈ കട്ടിംഗ്, കേരളാ കഫേ (ആന്തോളജി) തുടങ്ങിയവയാണ് രേവതി സംവിധാനം ചെയ്ത മറ്റു ചിത്രങ്ങള്‍. ശോഭനയെ നായികയാക്കി 2002 ല്‍ പുറത്തിറക്കിയ മിത്ര് മൈ ഫ്രണ്ടിന് മികച്ച ഇംഗ്ലീഷ് സിനിമ, മികച്ച നടി, മികച്ച ചിത്രസംയോജനം എന്നിവയ്ക്ക് ദേശീയ പുരസ്‌കാരങ്ങള്‍ ലഭിച്ചിട്ടുണ്ട്.

Contact the author

Entertainment Desk

Recent Posts

Web Desk 19 hours ago
Movies

ലോകം എന്തും പറയട്ടെ, 'അവള്‍ എന്റെതാണ്',- വിവാദങ്ങള്‍ക്ക് മറുപടിയുമായി മുക്ത

More
More
Web Desk 1 day ago
Movies

മമ്മൂട്ടി വീണ്ടും തെലുങ്കിലേക്ക്; ഇത്തവണ അഖില്‍ അക്കിനേനി ചിത്രമായ ഏജന്‍റില്‍

More
More
Movies

ബഹിരാകാശത്തെ ആദ്യ സിനിമാ ഷൂട്ടിംഗ് പൂര്‍ത്തിയാക്കി റഷ്യന്‍ സിനിമാസംഘം ഭൂമിയില്‍ പറന്നിറങ്ങി

More
More
Movies

മീര ഇവിടെ ജൂലിയറ്റാണ്; മീരാ ജാസ്മിന്റെ തിരിച്ചുവരവിന്റെ വീഡിയോ പങ്കുവച്ച് സത്യന്‍ അന്തിക്കാട്‌

More
More
Movies

'ശ്രീവല്ലി' : പുഷ്പയിലെ രണ്ടാമത്തെ ഗാനം പുറത്ത്

More
More
Web Desk 1 week ago
Movies

തിയേറ്റര്‍ മേഖലയില്‍ പ്രവര്‍ത്തിക്കുന്നവരുടെ ആത്മഹത്യാ കൂട്ടണോയെന്ന് എല്ലാവരും ആലോചിക്കണം - ഇടവേള ബാബു

More
More