ഡല്ഹി: പൊലീസുകാര്ക്ക് ജന്മദിനവും, വിവാഹവാര്ഷികവും ആഘോഷിക്കാന് പ്രത്യേക അവധി നല്കി ഡല്ഹി സര്ക്കാര്. ഒരു ദിവസത്തെ പ്രത്യേക അവധിയാണ് അനുവദിക്കുക. ജീവിത പങ്കാളിയുടെയും, കുട്ടികളുടെയും ജന്മദിനത്തിലും അവധി നല്കും. ഡല്ഹി പോലീസ് കമ്മീഷണര് രാകേഷ് അസ്താനയാണ് ഉത്തരവ് പുറത്തിറക്കിയിരിക്കുന്നത്. ഡല്ഹിയിലെ 80,000 ത്തിലധികം പൊലിസ് ഉദ്യോഗസ്ഥര്ക്ക് ഇത് ഉപകാരപ്പെടുമെന്നും കമ്മീഷണര് കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യു
ജോലിത്തിരക്കുമൂലം പൊലീസ് സേനയില് ഉള്പ്പെട്ടവര്ക്ക് കുടുംബത്തോടൊപ്പം ആഘോഷ പരിപാടികളില് പങ്കെടുക്കാന് സാധിക്കാതെ വരുന്നു. പുതിയ ഉത്തരവോടെ, പോലീസുകാർക്ക് ഇനി മുതൽ അവരുടെ ജീവിതത്തിലെ സുപ്രധാന അവസരങ്ങൾ കുടുംബത്തോടൊപ്പം ആഘോഷിക്കാൻ സാധിക്കും. അതോടൊപ്പം, പോലീസ് ഉദ്യോഗസ്ഥരുടെ ജന്മദിനത്തിനു പുറമേ ജീവിതപങ്കാളിയുടെയും, കുട്ടികളുടെയും ജന്മദിനത്തിലും അവരുടെ വിവാഹ വാർഷികത്തിലും പ്രത്യേക അവധികള് അനുവദിക്കും.- ഡിസിപി മഹേഷ് ബത്ര പറഞ്ഞു. ഒക്ടോബര് ഏഴിന് പുറത്തിറക്കിയ ഉത്തരവ് ഇതിനോടകം തന്നെ പ്രാബല്യത്തില് വന്നു കഴിഞ്ഞു.