തിരുവനന്തപുരം: ട്രെയിന് തട്ടി മരിച്ച യുവാവിന്റെ മൊബൈല് ഫോണ് മോഷ്ടിച്ച് ഉപയോഗിച്ച എസ് ഐയ്ക്ക് സസ്പെന്ഷന്. കൊല്ലം ചാത്തന്നൂര് പൊലീസ് സ്റ്റേഷനിലെ എസ് ഐ ജ്യോതി സുധാകറിനെയാണ് സസ്പെന്ഡ് ചെയ്തത്. ജ്യോതി സുധാകര് തിരുവനന്തപുരം മംഗലാപുരം സ്റ്റേഷനില് എസ് ഐ ആയിരിക്കെ ട്രെയിന് തട്ടി മരിച്ച യുവാവിന്റെ ഫോണ് മോഷ്ടിച്ച് ഉപയോഗിച്ചെന്ന് കണ്ടെത്തിയതിനെത്തുടര്ന്നാണ് നടപടി.
യുവാവ് മരിച്ച് ദിവസങ്ങള് കഴിഞ്ഞ് മൊബൈല് ഫോണ് കാണാനില്ലെന്നും മരണത്തില് ദുരൂഹതയുണ്ടെന്നും ആരോപിച്ച് ബന്ധുക്കള് പരാതി നല്കുകയായിരുന്നു. തുടര്ന്ന് നടത്തിയ അന്വേഷണത്തിലാണ് കാണാതായ മൊബൈല് ഫോണ് എസ് ഐ ആണ് ഉപയോഗിക്കുന്നതെന്ന് കണ്ടെത്തിയത്. യുവാവിന്റെ ഫോണില് ഔദ്യോഗിക സിംകാര്ഡ് ഇട്ടാണ് എസ് ഐ ഉപയോഗിച്ചിരുന്നതെന്നും അന്വേഷണത്തില് കണ്ടെത്തി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യു
ജൂണ് പതിനെട്ടിനാണ് പെരുമാതുറ സ്വദേശിയായ യുവാവിനെ ട്രെയിന് തട്ടി മരിച്ച നിലയില് കണ്ടെത്തിയത്. ആത്മഹത്യയായിരുന്നു എന്നായിരുന്നു പൊലീസിന്റെ കണ്ടെത്തല്. അന്ന് ജ്യോതി സുധാകറിന്റെ നേതൃത്വത്തിലാണ് ഇന്ക്വസ്റ്റ് നടപടികള് പൂര്ത്തിയാക്കിയത്. ഇതിനിടെയാണ് എസ് ഐ മൊബൈല് മോഷ്ടിച്ചതെന്നാണ് നിഗമനം.