ബാംഗ്ലൂര്‍: സംഘപരിവാര്‍ സദാചാര പൊലീസിംഗിനെ ന്യായീകരിച്ച് കര്‍ണാടക മുഖ്യമന്ത്രി. സമൂഹത്തില്‍ ധാര്‍മിക മൂല്യങ്ങള്‍ കുറയുമ്പോഴാണ് സദാചാര പോലീസിംഗ് ഉണ്ടാകുന്നതെന്നും സദാചാര പോലീസിംഗ് ഉണ്ടാകുന്നത് ഒരു അധാര്‍മ്മിക പ്രവര്‍ത്തനത്തിന്‍റെ ബാക്കി പത്രമാണെന്നും ബാസവരാജ് ബോമ്മെ പറഞ്ഞു.
എല്ലാവര്‍ക്കും സമൂഹത്തില്‍ ഒരേപോലെ ജീവിക്കുവാന്‍ ചില ധാര്‍മിക മൂല്യങ്ങള്‍ ആവശ്യമാണ്. ഇതിനെതിരെ ചെറുപ്പക്കാര്‍ പ്രവര്‍ത്തിക്കുന്നത് ശരിയായ രീതിയല്ല. ഇത്തരം പ്രവണതകളുണ്ടാകുമ്പോള്‍ അതിനെ പ്രതിരോധിക്കാന്‍ എന്നവണ്ണം സദാചാര പൊലീസിംഗ് ഉണ്ടാകുന്നതിനെ എതിര്‍ക്കാന്‍ സാധിക്കില്ല. സര്‍ക്കാര്‍ ക്രമസമാധാനം സംരക്ഷിക്കുന്നത് പോലെ പൊതു സമൂഹവും ‘ഉത്തരവാദിത്തത്തോടെ’ പെരുമാറേണ്ടതുണ്ട്. സദാചാര പൊലീസിംഗ് വളരെ സെന്‍സിറ്റീവായ പ്രശ്‌നമാണ്.- ബാസവരാജ് ബോമ്മെ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ദക്ഷിണ കര്‍ണാടകയില്‍ യുവാക്കളായ, വ്യത്യസ്ത മതവിഭാഗങ്ങളില്‍പ്പെട്ട ആണും, പെണ്ണും ഒരുമിച്ച് കൂടുന്നതിനെതിരെ സംഘപരിവാര്‍ സദാചാര ഗുണ്ടകള്‍ ശകതമായ അക്രമണം അഴിച്ചുവിട്ട നിരവധി സംഭവങ്ങള്‍ സമീപകാലത്ത് റിപ്പോര്ട്ട് ചെയ്യപ്പെട്ടിട്ടുണ്ട്. ഈ സാഹചര്യത്തെക്കുറിച്ച് മാധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടി പറയുകയായിരുന്നു മുഖ്യമന്ത്രി. ഉഡുപ്പി, ദക്ഷിണ കന്നഡ ജില്ലകള്‍ സന്ദര്‍ശിക്കുന്നതിനിടയിലാണ് അദ്ദേഹത്തിന്‍റെ വിവാദ പരാമര്‍ശം. ഇതിനെതിരെ പൊതു സമൂഹത്തില്‍ നിന്നും ശക്തമായ പ്രതിഷേധമാണ് ഉയര്‍ന്നുവരുന്നത്.
