കോഴിക്കോട്: മാറാട് കേസിലെ രണ്ട് പ്രതികള്ക്ക് കൂടി ഇരട്ട ജീവപര്യന്തം തടവ്. തൊണ്ണൂറ്റിയഞ്ചാം പ്രതി കോയമോന്, നൂറ്റി നാല്പത്തിയെട്ടാം പ്രതി നിസാമുദ്ദീന് എന്നിവര്ക്കെതിരെയാണ് മാറാട് പ്രത്യേക കോടതി ശിക്ഷ വിധിച്ചത്. കലാപ ലക്ഷ്യത്തോടെ സ്ഫോടക വസ്തു കൈവശം വച്ചതിലെ വകുപ്പുകൾ, മാരകായുധം കൈവശം വയ്ക്കൽ എന്നീ കുറ്റങ്ങൾ പ്രകാരമാണ് ഹൈദ്രോസിന് രണ്ട് ജീവപര്യന്തം തടവ് ശിക്ഷ ലഭിച്ചത്. സ്ഫോടക വസ്തു കൈവശം വച്ചതിനും മതസ്പര്ധ വളര്ത്തിയതിനുമാണ് കോയമോന് ഇരട്ട ജീവപര്യന്തവും ഒരു ലക്ഷത്തി രണ്ടായിരം രൂപ പിഴയും വിധിച്ചത്. കലാപ ശേഷം ഒളിവില് പോയ ഇരുവരും വര്ഷങ്ങള്ക്ക് ശേഷമാണ് പിടിയിലായത്.
2003 മേയ് 2 ന് ആയിരുന്നു ഒൻപത് പേർ മരിച്ച രണ്ടാം മാറാട് കലാപം. കേസില് പ്രത്യേക കോടതി 63 പ്രതികളെയാണ് ഇതുവരെ ശിക്ഷിച്ചത്. കലാപത്തിലെ 76 പ്രതികളെ വിചാരണ കോടതി വെറുതെ വിട്ടിരുന്നു. ഇതിൽ 24 പേര്ക്ക് കൂടി കേരള ഹൈക്കോടതി ശിക്ഷ വിധിച്ചിരുന്നു. കോഴിക്കോട് സൗത്ത് ബീച്ചില് ഒളിവില് താമസിക്കുന്നതിനിടയിലാണ് കോയമോന് 2011-ല് പിടിയിലാവുന്നത്. നെടുമ്പാശ്ശേരി വിമാനത്താവളത്തില് വെച്ച് 2010 ഒക്ടോബര് 15-നാണ് നിസാമുദ്ദീനെ പൊലീസ് പിടികൂടുന്നത്.