ഡല്‍ഹിയിലെ വായുമലിനീകരണത്തിന് കാരണം പാക്കിസ്ഥാന്‍; വിചിത്രവാദവുമായി യുപി സര്‍ക്കാര്‍

ഡല്‍ഹി: ഡല്‍ഹിയിലെ വായുമലിനീകരണത്തിനുകാരണം പാക്കിസ്ഥാനാണെന്ന വിചിത്രവാദവുമായി യുപി സര്‍ക്കാര്‍. ഡല്‍ഹിയിലെ വായുമലിനീകരണത്തില്‍ ഉത്തര്‍പ്രദേശിലെ വ്യവസായ ശാലകള്‍ക്ക് പങ്കില്ലെന്നും യുപിയിലെ വ്യവസായശാലകളില്‍ നിന്നുളള വായു താഴോട്ടാണ് പോവുക, അതുകൊണ്ട് ഡല്‍ഹിയിലേക്ക് ആ വായു എത്തില്ലെന്നുമാണ് ഉത്തര്‍പ്രദേശ് സര്‍ക്കാര്‍ സുപ്രീംകോടതിയില്‍ പറഞ്ഞത്. ഉത്തര്‍പ്രദേശ് താഴ്ന്ന ഭാഗത്തായതിനാല്‍ പാക്കിസ്ഥാനില്‍ നിന്നുളള മലിനവായു സംസ്ഥാനത്തെത്തുന്നുണ്ട്. അതുവഴിയാണ് ഡല്‍ഹിയില്‍ വായു മലിനീകരണമുണ്ടാകുന്നത് എന്ന് യുപി സര്‍ക്കാരിന്റെ സീനിയര്‍ അഭിഭാഷകന്‍ രഞ്ജിത് കുമാറാണ് കോടതിയില്‍ വാദിച്ചത്.

ഡല്‍ഹിയിലെ വായുമലിനീകരണം സംബന്ധിച്ച് ആദിത്യാ ദുബെ എന്ന വിദ്യാര്‍ത്ഥി നല്‍കിയ ഹര്‍ജി പരിഗണിക്കുകയായിരുന്നു കോടതി. അതേസമയം, വിചിത്രവാദമുന്നയിച്ച അഭിഭാഷകനെ സുപ്രീംകോടതി രൂക്ഷമായി വിമര്‍ശിച്ചു. ഡല്‍ഹിയിലെ വായുമലിനീകരണം ഇല്ലാതാവാന്‍ പാക്കിസ്ഥാനിലെ വ്യവസായശാലകള്‍ക്ക് നിരോധനമേര്‍പ്പെടുത്തണമെന്നാണോ താങ്കള്‍ പറയുന്നതെന്ന് ചീഫ് ജസ്റ്റിസ് എന്‍ വി രമണ ചോദിച്ചു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ഡല്‍ഹിയില്‍ വായുമലിനീകരണം കൂടിയ സാഹചര്യത്തില്‍ വ്യവസായ ശാലകളുടെ പ്രവര്‍ത്തനം നിയന്ത്രിക്കാന്‍ സുപ്രീംകോടതി ആവശ്യപ്പെട്ടിരുന്നു. ഡല്‍ഹിയിലേയും സമീപപ്രദേശങ്ങളിലെയും വ്യവസായ ശാലകള്‍ എട്ടുമണിക്കൂര്‍ മാത്രമേ തുറക്കാന്‍ അനുവദിക്കുകയുളളു എന്ന എയര്‍ ക്വാളിറ്റി മാനേജ്‌മെന്റ് കമ്മീഷന്റെ തീരുമാനം സംസ്ഥാനത്തെ പാല്‍, പഞ്ചസാര വ്യവസായങ്ങളെ ബാധിക്കുമെന്നും യുപി സര്‍ക്കാര്‍ കോടതിയെ അറിയിച്ചു. വായുമലിനീകരണം രൂക്ഷമായതിനുപിന്നാലെ യുപിയില്‍ സ്‌കൂളുകളും കോളേജുകളും അടച്ചിരുന്നു. 

Contact the author

National Desk

Recent Posts

National Desk 5 hours ago
National

മുല്ലപ്പെരിയാര്‍ അണക്കെട്ടിന്‍റെ ശില്പിക്ക് ബ്രിട്ടണില്‍ സ്മാരകം പണിയുമെന്ന് സ്റ്റാലിന്‍

More
More
National Desk 6 hours ago
National

നടന്‍ സോനു സൂദിന്റെ സഹോദരി പഞ്ചാബില്‍ നിന്ന് കോണ്‍ഗ്രസ് സ്ഥാനാര്‍ഥിയായി മത്സരിക്കും

More
More
National Desk 1 day ago
National

പഞ്ചാബിലെ മുതിര്‍ന്ന കോണ്‍ഗ്രസ് നേതാവ് യോഗീന്ദര്‍ സിംഗ് മാന്‍ ആം ആദ്മി പാര്‍ട്ടിയില്‍

More
More
Web Desk 1 day ago
National

അഖിലേഷുമായുള്ള സഖ്യശ്രമം പരാജയപ്പെട്ടത് ദളിതരോടുള്ള അവഗണന മൂലം- ചന്ദ്രശേഖര്‍ ആസാദ്

More
More
Web Desk 1 day ago
National

പൊലീസ് വാഹനമിടിച്ച് മരിച്ച ജീവനക്കാരന്റെ കുടുംബത്തിന് പത്ത് ലക്ഷം രൂപ ധനസഹായം പ്രഖ്യാപിച്ച് സൊമാറ്റോ

More
More
Web Desk 1 day ago
National

ആം അദ്മി പഞ്ചാബ് മുഖ്യമന്ത്രിയെ ഫോണ്‍ വഴിയുള്ള നിര്‍ദ്ദേശത്തിലൂടെ തീരുമാനിക്കും

More
More