പാലക്കാട് : അട്ടപ്പാടിക്കായി 'സ്പെഷ്യല് ഇന്റര്വെന്ഷന് പ്ലാന്' തയ്യാറാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്ജ്. ദീര്ഘകാലാടിസ്ഥാനത്തില് ആദിവാസി സമൂഹത്തിന്റെ ആരോഗ്യ സംരക്ഷണം ഉറപ്പാക്കുകയാണ് ഈ പദ്ധതി ലക്ഷ്യമിടുന്നത്. സ്ത്രീകള്, കുട്ടികള്, കൗമാരപ്രായക്കാര് എന്നിവരെ പ്രത്യേകം ശ്രദ്ധിക്കും. അവരുടെ ഭാഷയില് ബോധവത്ക്കരണം ശക്തമാക്കുമെന്നും മന്ത്രി പറഞ്ഞു.
അങ്കണവാടി വര്ക്കര്മാര്, ഹെല്പര്മാര്, ആശാപ്രവര്ത്തകര്, അഭ്യസ്ഥവിദ്യരായ സ്ത്രീകള് എന്നിവരെ ഉള്ക്കൊള്ളിച്ച് 175 അങ്കണവാടികളുമായി ബന്ധപ്പെട്ട് ‘പെന്ട്രിക കൂട്ട’ എന്ന പേരില് കൂട്ടായ്മ ഉണ്ടാക്കും. ഉത്തരവാദിത്ത സാമൂഹിക ഇടപെടലിന് ഈ കൂട്ടായ്മ ആദിവാസി മേഖലയില് ഉള്ളവരെ സഹായിക്കും. ഇത്തരം പ്രവര്ത്തനങ്ങള് ഈ മേഖലയിലെ ആളുകളെ ഉയര്ത്തി കൊണ്ടുവരുവാന് സഹായിക്കുമെന്നും മന്ത്രി കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അട്ടപ്പാടിയില് ഇപ്പോഴുള്ള 426 ഗര്ഭിണികളില് 218 പേര് ആദിവാസി വിഭാഗത്തില്പ്പെട്ടവരാണ്. ഇവരില് ഹൈ റിസ്ക് വിഭാഗത്തിലുള്ളവരുമുണ്ട്. രക്തസമ്മര്ദം, അനീമിയ, തൂക്കക്കുറവ്, സിക്കിള്സന് അനീമിയ തുടങ്ങിയ പല രോഗങ്ങളുള്ളവരുമുണ്ട്. ഇവര്ക്ക് കൃത്യമായും, വ്യക്തിപരമായും ആരോഗ്യ പരിചരണം ഉറപ്പാക്കും. മൂന്ന് മാസം കഴിയുമ്പോള് ഇതേ രീതിയില് വീണ്ടും പുതിയ ഹൈ റിസ്ക് വിഭാഗത്തെ കണ്ടെത്തുമെന്നും മന്ത്രി പറഞ്ഞു.