മുംബൈയിലെ സ്വകാര്യ ആശുപത്രിയില് ജോലി ചെയ്യുന്ന മലയാളി നഴ്സിന് കൊവിഡ് സ്ഥിരീകരിച്ചു. നൂറിലധികം മലയാളി നഴ്സുമാര് ജോലി ചെയ്യുന്ന ജസ്ലോക്ക് ആശുപത്രിയില് ആണ് രോഗം സ്ഥിരീകരിച്ചത്. ഇതേത്തുടർന്ന് ഇവരുടെ ഒപ്പം ജോലി ചെയ്തിരുന്ന മലയാളികൾ അടക്കമുള്ള സഹപ്രവർത്തകരെ ഐസൊലേറ്റ് ചെയ്ത് നിരീക്ഷണത്തിലാക്കി. നൂറോളം മലയാളി നഴ്സുമാർ ജോലി ചെയ്യുന്ന ആശുപത്രിയാണ് ജസ്ലോക്ക്. നിലവിൽ എല്ലാവരുടേയും ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു.
അതിനിടെ, ദല്ഹിയിലെ ആര്.എം.എല് ആശുപത്രിയിലെ ഡോക്ടര്മാരും നഴ്സുമാരും ഉള്പ്പെടെ 14 മെഡിക്കല് ജീവനക്കാരില് കൊവിഡ് രോഗലക്ഷണങ്ങള് കണ്ടെത്തിയതോടെ എല്ലാവരേയും നിരീക്ഷണത്തിലാക്കി. ഇവരുടെ സാമ്പിളുകള് പരിശോധനയ്ക്കായി അയച്ചിട്ടുണ്ടെന്ന് അധികൃതര് അറിയിച്ചു. രാജ്യത്ത് ഏറ്റവും കൂടുതൽ ആരോഗ്യപ്രവർത്തകർക്ക് രോഗം ബാധിച്ച സംസ്ഥാനം കൂടിയാണ് മഹാരാഷ്ട്ര. നാല് ഡോക്ടർമാരടക്കം ഏഴ് ആരോഗ്യപ്രവർത്തകർക്കാണ് സംസ്ഥാനത്ത് കൊവിഡ് രോഗം ബാധിച്ചിരിക്കുന്നത്. രാജ്യത്ത് ഏറ്റവും കൂടുതൽ കൊവിഡ് ബാധ സ്ഥിരീകരിച്ചിരിക്കുന്നതും മഹാരാഷ്ട്രയിലാണ്.