ചാന്‍സലര്‍ സ്ഥാനത്ത് ഗവര്‍ണര്‍ തന്നെ തുടരണം- പിണറായി വിജയന്‍

തിരുവനന്തപുരം: സംസ്ഥാനത്തെ സര്‍വ്വകലാശാലകളിലെ ചാന്‍സലര്‍ നിയമനവുമായി ബന്ധപ്പെട്ട് ഗവര്‍ണര്‍ ആരിഫ് മുഹമ്മദ് ഖാന്‍ ഉയര്‍ത്തിയ ആരോപണങ്ങള്‍ക്ക് മറുപടിയുമായി മുഖ്യമന്ത്രി പിണറായി വിജയന്‍. ഗവര്‍ണറുടെ അധികാരത്തെ മാനിക്കുന്ന സര്‍ക്കാരാണ് ഇത്. ചാന്‍സലര്‍ സ്ഥാനം സര്‍ക്കാര്‍ ഒരിക്കലും ആഗ്രഹിച്ചിട്ടില്ല. അത്തരമൊരു മോഹമേ ഞങ്ങള്‍ക്കില്ല. ഗവര്‍ണര്‍ തന്നെ സ്ഥാനത്ത് തുടരണമെന്നാണ് സര്‍ക്കാര്‍ ആഗ്രഹിക്കുന്നത്. ആരിഫ് മുഹമ്മദ് ഖാന്‍ പരസ്യമായി പ്രതികരണം നടത്തിയതുകൊണ്ടാണ് തനിക്കും ഈ വിഷയം സംസാരിക്കാനായി മാധ്യമങ്ങള്‍ക്കുമുന്നില്‍ വരേണ്ടിവന്നത്. സര്‍ക്കാരിന്റെ തുറന്ന മനസ് അദ്ദേഹം അംഗീകരിക്കുമെന്നും നിലപാടില്‍ നിന്ന് പിന്നോട്ടുപോകുമെന്നും സര്‍ക്കാര്‍ പ്രതീക്ഷിക്കുന്നു എന്നാണ് മുഖ്യമന്ത്രി പറഞ്ഞത്.

'ചാന്‍സലര്‍ എന്ന നിലയ്ക്ക് ഗവര്‍ണറും സെര്‍ച്ച് കമ്മിറ്റിയും തമ്മിലുളള പ്രശ്‌നമാണ് കാലടി സര്‍വ്വകലാശാലയിലേത്. വിസിയുടെ നിയമനത്തിനായി സെര്‍ച്ച് കമ്മിറ്റി വന്നു. സ്ഥാനത്ത് ഏറ്റവും അര്‍ഹനായ വ്യക്തിയുടെ പേര് ഏക കണ്ഠമായി വന്നു. അത് ചാന്‍സലറെ അറിയിച്ചു. അപ്പോള്‍ അതിനായി പാനല്‍ വേണമെന്ന നിര്‍ദേശം വന്നു. സെര്‍ച്ച് കമ്മിറ്റി അതിനായി യോഗം ചേര്‍ന്നു. ഇതിനിടയില്‍ വീണ്ടും ഗവര്‍ണര്‍ പാനല്‍ വേണ്ട ഒരാളുടെ പേര് നിര്‍ദേശിച്ചാല്‍ മതിയെന്ന് പറഞ്ഞു. അങ്ങനെയാണ് ഒരു പേര് മാത്രം കൊടുത്തത് എന്നാണ് ഞാന്‍ മനസിലാക്കുന്നത്. പക്ഷേ പിന്നീട് ചാന്‍സലറുടെ നിലപാടില്‍ മാറ്റം വന്നിട്ടുണ്ട്. അതിന്റെ കാരണം എനിക്കറിയില്ല- പിണറായി വിജയന്‍ പറഞ്ഞു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

കഴിഞ്ഞ ദിവസം സര്‍വ്വകലാശാല നിയമനങ്ങളില്‍ സര്‍ക്കാര്‍ ഇടപെടുന്നതിനെ ഗവര്‍ണര്‍ ആരിഫ് മുഹമ്മദ് ഖാന്‍ രൂക്ഷമായി വിമര്‍ശിച്ചിരുന്നു. സര്‍വ്വകലാശാലകളുടെ ചാന്‍സലര്‍ സ്ഥാനത്തുനിന്ന് എന്നെ മാറ്റിക്കോളു. പകരം മുഖ്യമന്ത്രി തന്നെ ചാന്‍സലറായിക്കോളു. അങ്ങനെയായാല്‍ രാഷ്ട്രീയതീരുമാനങ്ങള്‍ ഗവര്‍ണര്‍ അറിയാതെ തന്നെ നടത്താം. സര്‍ക്കാര്‍ നിയന്ത്രണത്തിലാണെങ്കില്‍ രാഷ്ട്രീയ ഇടപെടലെന്ന ആരോപണങ്ങളും ഒഴിവാക്കാം എന്നായിരുന്നു ഗവര്‍ണര്‍ പറഞ്ഞത്.

Contact the author

Web Desk

Recent Posts

Web Desk 1 day ago
Keralam

കലാമണ്ഡലത്തില്‍ ഇനി ആണ്‍കുട്ടികള്‍ക്കും മോഹിനിയാട്ടത്തിന് പ്രവേശനം ലഭിക്കും

More
More
Web Desk 1 day ago
Keralam

സിദ്ധാര്‍ഥിന്റെ മരണം; കേസ് അട്ടിമറിക്കാനുളള നീക്കം എന്ത് വില കൊടുത്തും ചെറുക്കും- വി ഡി സതീശന്‍

More
More
Web Desk 2 days ago
Keralam

കേരളം ഇന്ന് 4866 കോടി കടമെടുക്കും

More
More
Web Desk 2 days ago
Keralam

സസ്‌പെന്‍ഡ് ചെയ്ത വിദ്യാര്‍ത്ഥികളെ തിരിച്ചെടുത്ത സംഭവം; വിസിക്കെതിരെ പരാതി നല്‍കുമെന്ന് സിദ്ധാര്‍ഥിന്റെ അച്ഛന്‍

More
More
Web Desk 3 days ago
Keralam

'എന്തിന്' ? ; കെ സുരേന്ദ്രന്റെ വയനാട് സ്ഥാനാര്‍ത്ഥിത്വത്തെ പരിഹസിച്ച് ടി സിദ്ദിഖ്

More
More
Web Desk 4 days ago
Keralam

കോണ്‍ഗ്രസ് ബിജെപിയെ തോല്‍പ്പിക്കാന്‍ നോക്കുമ്പോള്‍ സിപിഎം കയ്യും കാലുമിട്ട് അടിക്കുകയാണ്- പി കെ കുഞ്ഞാലിക്കുട്ടി

More
More