വിവാഹപ്രായം 21 ആക്കുന്നത് അംഗീകരിക്കാനാവില്ല- ബൃന്ദാ കാരാട്ട്‌

ഡല്‍ഹി: സ്ത്രീകളുടെ വിവാഹപ്രായം പതിനെട്ടില്‍ നിന്നും ഇരുപത്തിയൊന്നിലേക്ക് ഉയര്‍ത്തിയതിനെ അംഗീകരിക്കാനാവില്ലെന്ന് സി പി എം പൊളിറ്റ്ബ്യൂറോ അംഗം ബൃന്ദാ കാരാട്ട്. പതിനെട്ടാം വയസില്‍ വോട്ടുചെയ്യുന്ന പെണ്‍കുട്ടിക്ക് അവളുടെ വിവാഹത്തെ സംബന്ധിച്ച് തീരുമാനം എടുക്കാനും അവകാശമുണ്ടെന്നും പെണ്‍കുട്ടികളുടെ വിവാഹപ്രായം ഉയര്‍ത്തിയത് അവരുടെ സ്വാതന്ത്ര്യത്തിലേക്കുളള കടന്നുകയറ്റമാണെന്നും ബൃന്ദാ കാരാട്ട് പറഞ്ഞു.

'പതിനെട്ട് വയസുളള ഒരു പെണ്‍കുട്ടി മുതിര്‍ന്ന പൗരയാണ്. അവര്‍ക്ക് അവരുടെ ജീവിതം തെരഞ്ഞെടുക്കാനുളള അവകാശം വേണം. അവര്‍ ഇരുപത്തിയഞ്ചാം വയസില്‍ വിവാഹം കഴിക്കാനാണ് ആഗ്രഹിക്കുന്നതെങ്കില്‍ അതിനുളള സ്വാതന്ത്ര്യം വേണം. ഇനി അവര്‍ക്ക് വിവാഹം കഴിക്കാന്‍ തന്നെ താല്‍പ്പര്യമില്ലെങ്കില്‍ അതിനുളള സ്വാതന്ത്ര്യവും ലഭിക്കണം. വിവാഹപ്രായം ഉയര്‍ത്തിയതിലൂടെ സ്ത്രീയുടെ വിവാഹത്തെയാണ് സര്‍ക്കാര്‍ കുറ്റകൃത്യമാക്കുന്നത്' ബൃന്ദാ കാരാട്ട് പറഞ്ഞു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

വിവാഹപ്രായം ഉയര്‍ത്തുന്നത് സ്ത്രീശാക്തീകരണത്തെ സഹായിക്കില്ല. സ്ത്രീയുടെ വിവാഹപ്രായം കൂട്ടുന്നതിനുപകരം അവര്‍ക്ക് പഠിക്കാനും പോഷകാഹാരം ലഭിക്കാനുമുളള നടപടികളാണ് കേന്ദ്രസര്‍ക്കാര്‍ സ്വീകരിക്കേണ്ടതെന്ന് ബൃന്ദാ കാരാട്ട് പറഞ്ഞു. വിവാഹപ്രായം ഉയര്‍ത്താനായി സര്‍ക്കാര്‍ മുന്നോട്ടുവയ്ക്കുന്ന കാരണങ്ങളൊന്നും തൃപ്തികരമല്ലെന്നും യഥാര്‍ത്ഥ വിഷയങ്ങളില്‍ നിന്ന് ഓടിയൊളിക്കാനുളള നീക്കമാണെന്നും അവര്‍ കൂട്ടിച്ചേര്‍ത്തു. 

പെണ്‍കുട്ടികളുടെ വിവാഹപ്രായം പതിനെട്ടില്‍ നിന്ന് ഇരുപത്തിയെന്നാക്കി ഉയര്‍ത്താന്‍ കേന്ദ്ര മന്ത്രിസഭ തീരുമാനിച്ചിരുന്നു. ഇതുസംബന്ധിച്ച ബില്ല് ശീതകാല സമ്മേളനത്തില്‍ തന്നെ പാര്‍ലമെന്റില്‍ അവതരിപ്പിക്കാനാണ് നീക്കം. ബില്ലിനെതിരെ മുസ്ലീം ലീഗ് എംപിമാര്‍ അടിയന്തരപ്രമേയത്തിന് പാര്‍ലമെന്റില്‍ നോട്ടീസ് നല്‍കിയിരുന്നു.  എന്നാല്‍ കേരളത്തില്‍ നിന്നുളള ഇടത് എംപിമാരടക്കം അതിനെ അനുകൂലിച്ചോ പ്രതികൂലിച്ചോ ഇതുവരെ രംഗത്തുവന്നിട്ടില്ല.

Contact the author

Web Desk

Recent Posts

Web Desk 2 weeks ago
Keralam

തെരഞ്ഞെടുപ്പ് തോല്‍വി ഭയന്നാണ് മോദി കന്യാകുമാരിയില്‍ ധ്യാനമിരിക്കാന്‍ പോയത്- കെ മുരളീധരന്‍

More
More
Web Desk 3 weeks ago
Keralam

അമ്പാന്‍ സ്റ്റൈലില്‍ കാര്‍ 'സ്വിമ്മിംഗ് പൂളാക്കി' യൂട്യൂബർ ; ലൈസന്‍സ് റദ്ദാക്കി ആര്‍ടിഒ

More
More
Web Desk 3 weeks ago
Keralam

രാജ്യസഭയിലേക്കില്ലെന്ന് കുഞ്ഞാലിക്കുട്ടി; പുതുമുഖങ്ങള്‍ പരിഗണനയിലുണ്ടെന്ന് സാദിഖലി തങ്ങള്‍

More
More
Web Desk 3 weeks ago
Keralam

മാംസത്തിനു പിന്നാലെ സംസ്ഥാനത്ത് പച്ചക്കറി വിലയും കുതിക്കുന്നു

More
More
Web Desk 3 weeks ago
Keralam

കേരളത്തില്‍ രാജ്യസഭാ തെരഞ്ഞെടുപ്പ് ജൂണ്‍ 25-ന്

More
More
Web Desk 3 weeks ago
Keralam

റഫയിലെ അഭയാര്‍ത്ഥി ക്യാംപിനുനേരെ ഇസ്രായേല്‍ ആക്രമണം; 40 പേര്‍ കൊല്ലപ്പെട്ടു

More
More