തിരുവനന്തപുരം: കെ-റെയില് വിഷയത്തില് ശശി തരൂരിനെ പുറത്താക്കിയാല് വിഷയം മാറുമെന്ന് കെ മുരളീധരന് എം പി. 'സുധാകരന് നല്കിയത് വാണിംഗ് മാത്രമാണ്. ഇപ്പോള് തന്നെ 53 പേരെ പാർലമെന്റിലുള്ളൂ. അതിലൊരാളെ പുറത്താക്കിയാല് ബുദ്ധിമുട്ടാകും. മാത്രവുമല്ല പാര്ട്ടി ഭരണഘടന അനുസരിച്ച് അക്കാര്യങ്ങളെല്ലാം തീരുമാനിക്കേണ്ടത് ദേശീയ നേതൃത്വമാണ്' എന്നും മുരളീധരന് പറഞ്ഞു. പാർട്ടി നിലപാടിനൊപ്പമല്ലെങ്കില് പുറത്തുപോകേണ്ടിവരുമെന്ന കെ. സുധാകരന്റെ മുന്നറിയിപ്പിനെ പരോക്ഷമായി പരാമര്ശിച്ചുകൊണ്ടായിരുന്നു പ്രതികരണം.
അതേസമയം, കെ-റെയില് വിഷയത്തില് ശശി തരൂർ നിലപാട് തിരുത്തണമെന്നും കെ മുരളീധരന് ആവശ്യപ്പെട്ടു. പ്രതിസന്ധികളില് ഒപ്പം നിന്നത് പാര്ട്ടിയാണെന്ന് ഓർക്കണം. 2014 ലോക്സഭാ തെരഞ്ഞെടുപ്പില് സീറ്റ് നല്കരുതെന്ന് വരെ അഭിപ്രായമുണ്ടായിരുന്നു. അന്ന് പാര്ട്ടിയുടെ സംസ്ഥാന ദേശീയ നേതൃത്വങ്ങള് ഒരുപോലെ നിന്നാണ് അദ്ദേഹത്തെ പിന്തുണച്ചത്. ആ നിലയ്ക്ക് തരൂര് യുഡിഎഫിനും പാര്ട്ടിയുടെ നിലപാടിനും ഒപ്പം നില്ക്കണമെന്നാണ് അദ്ദേഹം പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
റിപ്പോര്ട്ട് പഠിക്കട്ടെ എന്നാണ് തരൂര് പറയുന്നത്. കോണ്ഗ്രസ് സമിതി പഠിച്ച റിപ്പോര്ട്ട് എല്ലാ എംഎല്എമാര്ക്കും എംപിമാര്ക്കും നല്കിയതാണ്. ഇനി പ്രത്യേകിച്ച് പഠിക്കണമെന്നാണെങ്കില് അങ്ങനെ ആകട്ടെ അത് വിവാദമാക്കേണ്ട കാര്യമില്ല. വിഷയത്തില് തരൂര് തെറ്റ് തിരുത്തി പാര്ട്ടിക്കൊപ്പം നില്ക്കുമെന്നാണ് കരുതുന്നതെന്നും മുരളീധരന് പറഞ്ഞു.
കെ റെയിലിനെതിരെ യു.ഡി.എഫ് എം.പിമാര് റെയില്വെ മന്ത്രിക്ക് നല്കിയ നിവേദനത്തില് തരൂര് എം.പി ഒപ്പുവച്ചിരുന്നില്ല. വ്യവസായങ്ങളെ പ്രോത്സാഹിപ്പിക്കുന്ന മുഖ്യമന്ത്രിയുടെ നിലപാട് സ്വാഗതാര്ഹമാണെന്നായിരുന്നു തരൂരിന്റെ പരാമര്ശം. എന്നാല് നിവേദനത്തില് ഒപ്പിടാത്തതിനാല് താന് പദ്ധതിയെ അനുകൂലിക്കുകയാണെന്ന വാദം തെറ്റാണെന്ന് തരൂര് വ്യക്തമാക്കുകയും ചെയ്തിരുന്നു. ശശി തരൂര് പാര്ട്ടിക്ക് വിധേയനായില്ലെങ്കില് പാര്ട്ടിയില് ഉണ്ടാവില്ലെന്നായിരുന്നു കെപിസിസി പ്രസിഡന്റ് കെ. സുധാകരന്റെ പ്രതികരണം.