ലഖ്നൗ: ഉത്തര്പ്രദേശിലെ നിയമസഭാ തെരഞ്ഞെടുപ്പ് മാറ്റി വെക്കില്ലന്ന് തെരഞ്ഞെടുപ്പ് കമ്മീഷന്. എല്ലാ പാര്ട്ടികളും തെരഞ്ഞെടുപ്പ് നടത്തണമെന്നാണ് ആവശ്യപ്പെട്ടിരിക്കുന്നത്. തെരഞ്ഞെടുപ്പിനോട് അനുബന്ധിച്ചുള്ള റാലികളില് നിയന്ത്രണം കൊണ്ട് വരണമെന്ന് ചില പാര്ട്ടികള് ആവശ്യപ്പെട്ടിട്ടുണ്ട്. ഇക്കാര്യത്തില് ചര്ച്ചകള്ക്ക് ശേഷം തീരുമാനം എടുക്കുമെന്നും ജനുവരി അഞ്ചിന് വോട്ടര്പട്ടിക പുറത്ത് വിടുമെന്നും തെരഞ്ഞെടുപ്പ് കമ്മീഷണര് സുശീല് ചന്ദ്ര പറഞ്ഞു.
കൊവിഡിന്റെ പശ്ചാത്തലത്തില് സാമൂഹിക അകലം ഉറപ്പ് വരുത്താന് ഒരു മണിക്കൂര് കൂടി സമയം അധികമായി അനുവദിക്കും. രാവിലെ എട്ടുമണിക്കാണ് വോട്ടെടുപ്പ് ആരംഭിക്കുക. എല്ലാ ബൂത്തുകളിലും വിവിപാറ്റ് സ്ഥാപിക്കും. ഒരുലക്ഷത്തോളം ബൂത്തുകളില് വെബ്കാസ്റ്റിംഗ് സൗകര്യം ഉണ്ടാകും. കൊവിഡ് മാർഗനിർദ്ദേശങ്ങൾ ഉൾപ്പടെയുള്ള കാര്യങ്ങളെ സംബന്ധിച്ച് വിശദമായ ആലോചന നടത്തുമെന്നും കമ്മീഷൻ വ്യക്തമാക്കി.
80 വയസിന് മുകളിലുള്ളവര്ക്കും ഭിന്നശേഷിക്കാര്ക്കും കൊവിഡ് ബാധിതര്ക്കും വോട്ട് രേഖപ്പെടുത്താനുള്ള അവസരമൊരുക്കുമെന്നും കമ്മീഷന് അറിയിച്ചു. ഉത്തര്പ്രദേശ്, പഞ്ചാബ്, ഗോവ, ഉത്തരാഖണ്ഡ്, മണിപ്പൂര് സംസ്ഥാനങ്ങളിലാണ് തെരഞ്ഞെടുപ്പ് വരാനിരിക്കുന്നത്.