ദുബായ്: ഗോള്ഡന് വിസ ലഭിച്ചവര്ക്ക് ഇനി മുതല് ക്ലാസുകള് ഇല്ലാതെ ഡ്രൈവിംഗ് ലൈസന്സ് നല്കുമെന്ന് ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി. പത്ത് വര്ഷത്തെ ഗോള്ഡന് വിസ ലഭിച്ച ആള്ക്ക് സ്വന്തം നാട്ടിലെ ഡ്രൈവിംഗ് ലൈസന്സ് ഉണ്ടെങ്കില് ഈ ആനുകൂല്യം ലഭിക്കും. സാധാരണ ഇരുപത് മുതല് നാല്പത് വരെ പരീശീലന ക്ലാസുകളിൽ പങ്കെടുത്താല് മാത്രമാണ് ലൈസന്സ് ലഭിക്കുക. പുതിയ തീരുമാനത്തിലൂടെ ഗോള്ഡന് വിസക്കാര് ഈ ക്ലാസുകളില് പങ്കെടുക്കേണ്ടതില്ല. നാട്ടിലെ ലൈസൻസോടെ അപേക്ഷിക്കുകയും ദുബായിലെ റോഡ്, നോളജ് ടെസ്റ്റുകള് പൂര്ത്തിയാക്കുകയും ചെയ്താല് ലൈസന്സ് ലഭിക്കും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
എമിറേറ്റ്സ് ഐഡി, ഡ്രൈവിംഗ് ലൈസൻസിന്റെ പകർപ്പ്, റോഡ്-നോളജ് ടെസ്റ്റ് ഫലം എന്നിവയാണ് ലൈസൻസ് ലഭിക്കാൻ ഗോൾഡൻ വിസക്കാര് സമര്പ്പിക്കേണ്ട രേഖകള്. യുഎഇ 2019-ലാണ് ഗോൾഡൻ വിസ എന്ന പേരിൽ ദീർഘകാല റെസിഡൻസി പദ്ധതി നടപ്പിലാക്കിയത്. നിക്ഷേപകർ, സംരംഭകർ, കലാകാരന്മാര്, ശാസ്ത്ര-വിജ്ഞാന മേഖലകളിലെ ഗവേഷകർ, പ്രഗത്ഭരായ വിദ്യാർത്ഥികൾ തുടങ്ങിയവര്ക്കാണ് ഗോള്ഡന് വിസ എളുപ്പത്തില് ലഭിക്കുക.