പൗരത്വ ഭേദ​ഗതി നിയമത്തിനെതിരെ തെലങ്കാന നിയമസഭ പ്രമേയം പാസാക്കും

പൗരത്വ ഭേദഗതി നിയമത്തിനെതിരെ തെലങ്കാന നിയമസഭ പ്രമേയം പാസാക്കുമെന്ന് മുഖ്യമന്ത്രി കെ. ചന്ദ്രശേഖര്‍ റാവു. പ്രമേയം പാസാക്കുന്നത് സംബന്ധിച്ച് മറ്റ് സംസ്ഥാനങ്ങളിലെ മുഖ്യമന്ത്രിമാരുമായി ഇതിനകം ആശയ വിനിമയം നടത്തിയതായും അദ്ദേഹം പറഞ്ഞു. പൗരത്വ ഭേദ​ഗതി നിയമം സംബന്ധിച്ച് ചർച്ച ചെയ്യുന്നതിനായി സംസ്ഥാന മുഖ്യമന്ത്രിമാരുടേയും പ്രാദേശിക പാർട്ടികളുടേയും യോ​ഗം വിളിക്കാൻ ഉദ്ദേശിക്കുന്നതായും റാവു വ്യക്തമാക്കി. രാജ്യത്തിന്‍റെ ഭാവി സംബന്ധിച്ച് കനത്ത ആശങ്ക നിലനിൽക്കുന്ന പശ്ചാത്തലിത്തിലാണ് യോ​ഗം വിളിക്കുന്നതിനെ കുറിച്ച് ആലോചിക്കുന്നതെന്നും റാവു ഹൈദരാബാദിൽ മാധ്യമങ്ങളോട് പറഞ്ഞു. 130 കോടി ജനങ്ങളുടെ ഭാവിയെ ബാധിക്കുന്ന വിഷയമാണിതെന്നും, അടുത്ത മാസം ആദ്യം യോ​ഗം വിളിക്കുന്നതിനെ കുറിച്ച് ആലോചിക്കുമെന്നും അദ്ദേഹം കൂട്ടിച്ചേർത്തു. 

തെലങ്കാന രാഷ്ട്ര സമിതിയുടെ നയങ്ങളും നിലപാടുകളും മതേതരമാണെന്ന് ചന്ദ്രശേഖര്‍ റാവു വ്യക്തമാക്കി. പൗരത്വ ഭേദഗതി നിയമത്തെ എതിർത്ത് ടിആർഎസ് എം.പി-മാർ പാർലമന്‍റിന്‍റെ ഇരുസഭകളിലും വോട്ട് ചെയ്തിരുന്നു. പൗരത്വ ഭേദഗതി നിയമത്തിനെതിരെ രാജസ്ഥാൻ നിയമസഭ കഴിഞ്ഞ ദിവസം പ്രമേയം പാസാക്കിയിരുന്നു. കേരള നിയമസഭയാണ് നിയമത്തെ എതിർത്ത്  ആദ്യം പ്രമേയം പാസാക്കിയത്.  പൗരത്വ ഭേദ​ഗതി നിയമത്തിനെതിരെ പ്രമേയം പാസാക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയൻ ബിജെപി ഇതര മുഖ്യമന്ത്രിമാർക്ക് കത്തയച്ചിരുന്നു. നിയമത്തിനെതിരെ പ്രമേയം പാസാക്കാൻ എഐസിസി അധ്യക്ഷ സോണിയാ ​ഗാന്ധി കോൺ​ഗ്രസ് മുഖ്യമന്ത്രിമാർക്ക് നിർദ്ദേശം നൽകിയിട്ടുണ്ട്.


Contact the author

National Desk

Recent Posts

National Desk 9 hours ago
National

ഇഡി ഇനിയും വരും, പിറകെ മോദിയും ഷായും വരും, എല്ലാം എന്റെ വോട്ടുവിഹിതം കൂട്ടും- മഹുവ മൊയ്ത്ര

More
More
National Desk 11 hours ago
National

'1700 കോടി രൂപ പിഴയടയ്ക്കണം'; കോൺഗ്രസിന് ആദായനികുതി വകുപ്പിന്റെ നോട്ടീസ്

More
More
National Desk 1 day ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 1 day ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More