തിരുവനന്തപുരം : എസ് എഫ് ഐ പ്രവര്ത്തകന് ധീരജിന്റെ മൃതദേഹം വഹിച്ചുകൊണ്ടുള്ള വിലാപയാത്രയുടെ സമയത്ത് മെഗാ തിരുവാതിര നടത്തിയതില് അതൃപ്തി അറിയിച്ച് സിപിഎം നേതൃത്വം. മെഗാ തിരുവാതിര കളി ഒഴിവാക്കേണ്ടതായിരുന്നുവെന്നും അശ്രദ്ധകൊണ്ടാണ് ഇത് സംഭവിച്ചതെന്നും മന്ത്രി വി ശിവന്കുട്ടിയും അഭിപ്രായപ്പെട്ടു. വൈകാരിക സമയത്ത് നടത്തിയ മെഗാ തിരുവാതിര പാര്ട്ടിയെ സമ്മര്ദ്ദത്തിലാക്കി എന്നാണ് നേതൃത്വത്തിന്റെ വിലയിരുത്തല്. ജില്ലാ നേതൃത്വത്തോട് വിശദീകരണം തേടാനും പാര്ട്ടി തീരുമാനിച്ചിട്ടുണ്ട്. അതേസമയം, മെഗാ തിരുവാതിര നടത്തിപ്പിൽ വീഴ്ച സംഭവിച്ചുവെന്ന് സിപിഎം തിരുവനന്തപുരം ജില്ലാ കമ്മിറ്റി സമ്മതിച്ചു എന്നാണ് പുറത്ത് വരുന്ന റിപ്പോര്ട്ടുകള്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കോവിഡ് മാനദണ്ഡങ്ങള് ലംഘിച്ച് 502 പേരാണ് മെഗാ തിരുവാതിരയില് പങ്കെടുത്തത്. ഇതിനെതിരെ സമൂഹമാധ്യമങ്ങളില് രൂക്ഷവിമര്ശം ഉയര്ന്ന സാഹചര്യത്തിലാണ് മന്ത്രിയുടെ പ്രതികരണം. സിപിഎം തിരുവനന്തപുരം ജില്ലാ സമ്മേളനത്തോടനുബന്ധിച്ചായിരുന്നു തിരുവാതിര സംഘടിപ്പിച്ചിരുന്നത്. കോവിഡ് വ്യാപന സാഹചര്യത്തില് പൊതുപരിപാടിയില് 150 പേരില് കൂടരുതെന്ന സര്ക്കാര് നിയന്ത്രണം നിലനില്ക്കേയാണ് ഇത്രയധികം പേര് തിരുവാതിരയില് പങ്കെടുത്തത്. ഇതിനെതിരെ ഇടതുപക്ഷ അനുഭാവികളും രംഗത്തെത്തിയിരുന്നു.