വീണ്ടും മെഗാ തിരുവാതിര നടത്തി സി പി ഐ എം; ഇത്തവണ തൃശൂരില്‍

തൃശ്ശൂര്‍: തിരുവനന്തപുരം പാറശ്ശാലയില്‍ ജില്ലാ സമ്മേളനത്തിനിടെ നടത്തിയ മെഗാ തിരുവാതിരയുടെ വിവാദം ഒഴിയുന്നതിനുമുന്നേ തൃശൂരിലും മെഗാ തിരുവാതിരക്കളി നടത്തി സി പി ഐ എം. ജനാധിപത്യ മഹിളാ അസോസിയേഷന്‍ തന്നെയാണ് തൃശൂരിലെ മെഗാ തിരുവാതിരയും സംഘടിപ്പിച്ചത്. തൃശൂര്‍ ഊരാക്കോട് വെച്ച് നടന്ന മെഗാ തിരുവാതിരയില്‍ നൂറോളം പേരാണ് പങ്കെടുത്തത്. തിരുവനന്തപുരത്തെ തിരുവാതിരക്കളിയുണ്ടാക്കിയ വിവാദം ഒഴിയുംമുന്നേ തൃശൂരിലും പരിപാടി സംഘടിപ്പിച്ചത് വിമര്‍ശനം രൂക്ഷമാക്കിയിട്ടുണ്ട്. എന്നാല്‍ പങ്കെടുത്ത എല്ലാവരും മാസ്‌ക് ധരിച്ചിരുന്നു എന്നും സാമൂഹിക അകലം പാലിച്ചുകൊണ്ടായിരുന്നു പരിപാടി നടത്തിയത് എന്നുമാണ്‌ സി പി ഐ എം നല്‍കുന്ന വിശദീകരണം. ഈ മാസം 21 മുതല്‍ 23 വരെയാണ് സി പി ഐ എം ജില്ലാ സമ്മേളനം.

ജനുവരി 13-നായിരുന്നു തിരുവനന്തപുരത്ത് 502 പേരെ പങ്കെടുപ്പിച്ച് സി പി ഐ എം മെഗാ തിരുവാതിരക്കളി സംഘടിപ്പിച്ചത്. കൊവിഡ് നിയന്ത്രണങ്ങള്‍ നിലനില്‍ക്കുമ്പോഴാണ് സാമൂഹിക അകലം പോലും പാലിക്കാതെ സംസ്ഥാനം ഭരിക്കുന്ന പാര്‍ട്ടി തന്നെ പൊതുപരിപാടി സംഘടിപ്പിച്ചത്. സംഭവം വിവാദമായതിനുപിന്നാലെ പരിപാടി ഒഴിവാക്കേണ്ടതായിരുന്നുവെന്ന് സി പി എം സംസ്ഥാന സെക്രട്ടറി കോടിയേരി ബാലകൃഷ്ണനും വിദ്യാഭ്യാസമന്ത്രി വി ശിവന്‍കുട്ടിയും അഭിപ്രായപ്പെട്ടിരുന്നു. ഇടുക്കി ഗവ. എഞ്ചിനീയറിംഗ് കോളേജില്‍ കൊല്ലപ്പെട്ട എസ് എഫ് ഐ നേതാവ് ധീരജിന്റെ സംസ്‌കാരം കഴിയുന്നതിനുമുന്‍പേ തന്നെ സി പി ഐ എം തിരുവാതിരക്കളി നടത്തിയെന്നും രക്തസാക്ഷിത്വം അവര്‍ ആഘോഷിക്കുകയാണെന്നുമടക്കം വിമര്‍ശനങ്ങളാണ് തിരുവാതിരക്കളിക്കെതിരെ ഉയര്‍ന്നത്.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

മെഗാ തിരുവാതിരയിലെ പാട്ടിനെതിരെയും വിമര്‍ശനങ്ങളുയര്‍ന്നിരുന്നു. മുഖ്യമന്ത്രി പിണറായി വിജയനെ സ്തുതിച്ചുകൊണ്ടുളള വരികളാണ് തിരുവാതിരപ്പാട്ടില്‍ എന്നതാണ് വിവാദമുണ്ടാവാന്‍ കാരണം. വിവാദം അനാവശ്യമാണെന്നും പിണറായി വിജയനെ പുകഴ്ത്താന്‍ പാര്‍ട്ടി ആവശ്യപ്പെട്ടിരുന്നില്ലെന്നും വ്യക്തമാക്കി ഗാനരചയിതാവ് പൂവരണി കെ വി ടി നമ്പൂതിരിയും രംഗത്തെത്തിയിരുന്നു. അതേസമയം, കൊവിഡ് പ്രതിസന്ധി നിലനില്‍ക്കെ അഞ്ഞൂറിലധികം ആളുകളെ പങ്കെടുപ്പിച്ച് നടത്തിയ മെഗാ തിരുവാതിരക്കെതിരെ പൊലീസ് കേസ് എടുത്തിരുന്നു. പാറശാല പഞ്ചായത്ത്‌ അംഗം സലൂജ ഉള്‍പ്പെടെ കണ്ടാല്‍ അറിയാവുന്ന 550 പേര്‍ക്കെതിരെയാണ് പകര്‍ച്ചവ്യാധി നിരോധന നിയമപ്രകാരം കേസ് എടുത്തത്.  കൊവിഡ് പ്രോട്ടോക്കോള്‍ ലംഘിച്ചു എന്ന് കാണിച്ച് തിരുവനന്തപുരം ഡി സി സി പ്രസിഡന്‍റ് എം മുനീര്‍ നല്‍കിയ പരാതിയുടെ അടിസ്ഥാനത്തിലായിരുന്നു നടപടി.

Contact the author

Web Desk

Recent Posts

Web desk 8 hours ago
Keralam

കുറ്റി നാട്ടല്‍ നിര്‍ത്തിയതോടെ കെ റെയില്‍ ഒന്നാംഘട്ട സമരം വിജയിച്ചതായി പ്രതിപക്ഷ നേതാവ്

More
More
Web Desk 8 hours ago
Keralam

സാബു തോമസിനെതിരായ കുന്നംകുളം 'മാപ്പ്' പിന്‍വലിച്ച് പി. വി. ശ്രീനിജന്‍ എംഎല്‍എ

More
More
Web Desk 9 hours ago
Keralam

'ആരുടെ കയ്യിലെങ്കിലും കുന്നംകുളം 'മാപ്പു'ണ്ടോ? ഒരാൾക്കു കൊടുക്കാനാണ്' - സാബുവിനെ പരിഹസിച്ച് ശ്രീനിജന്‍

More
More
Web Desk 9 hours ago
Keralam

ഉമാ തോമസിനെ പരോക്ഷമായി പിന്തുണച്ച് ആം ആദ്മി

More
More
Web Desk 10 hours ago
Keralam

കെ റെയില്‍ ഇനി കുറ്റി നാട്ടലില്ല; സര്‍വേ ജി പി എസ് വഴി നടത്തും

More
More
Web Desk 10 hours ago
Keralam

ലേശം പോലും വിഷമിക്കേണ്ടതില്ല; ഉറപ്പോടെ കൂടെ നിൽക്കുന്നവരുണ്ട് - നടി നിഖിലയെ പിന്തുണച്ച് മാല പാര്‍വതി

More
More