പാരിസ്: രക്തബന്ധത്തിലുളളവരുമായുളള ലൈംഗിക ബന്ധം നിരോധിക്കാനൊരുങ്ങി ഫ്രഞ്ച് ഭരണകൂടം. 1971-ന് ശേഷം ഇതാദ്യമായാണ് പ്രായപൂര്‍ത്തിയായവര്‍ ആണെങ്കിലും 'ഇന്‍സെസ്റ്റ് ബന്ധം' കുറ്റകരമാവുന്ന നിയമം കൊണ്ടുവരുന്നത്. ഫ്രാന്‍സില്‍ നിലവില്‍ പതിനെട്ടുവയസിനുമുകളില്‍ പ്രായമുളളവര്‍ക്ക് അവര്‍ക്കിഷ്ടമുളള ആരുമായും ലൈംഗികബന്ധത്തിലേര്‍പ്പെടാനുളള സ്വാതന്ത്ര്യമുണ്ട്. എന്നാല്‍ നിയമപരമായ പരിരക്ഷയുളളതിനാല്‍ രാജ്യത്ത് കുട്ടികള്‍ക്കെതിരായ കുറ്റകൃത്യങ്ങള്‍ വളരെയധികം വര്‍ധിച്ചിരുന്നു. ഈ പശ്ചാത്തലത്തിലാണ് ഇന്‍സെസ്റ്റ് ബന്ധം നിരോധിക്കാനുളള ഫ്രഞ്ച് ഭരണകൂടത്തിന്റെ നീക്കം.
'പ്രായമേതായാലും നിങ്ങള്‍ നിങ്ങളുടെ പിതാവ്, മാതാവ്, മകന്‍, മകള്‍ എന്നിവരുമായി ലൈംഗികബന്ധത്തിലേര്‍പ്പെടരുത്. ഇത് പ്രായത്തിന്റെ പ്രശ്‌നമല്ല. ഞങ്ങള്‍ ഇന്‍സെസ്റ്റിനെതിരായ പോരാട്ടത്തിലാണ്. - ഫ്രാന്‍സിലെ ശിശുക്ഷേമ മന്ത്രാലയം സെക്രട്ടറി അഡ്രിയന്‍ ടാക്വെറ്റ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഫ്രഞ്ച് വിപ്ലവത്തിനുശേഷമാണ് ഭരണകൂടം രക്തബന്ധത്തിലുളളവരുമായുളള ലൈംഗികബന്ധവും പ്രകൃതിവിരുദ്ധ ലൈംഗിക ബന്ധവും കുറ്റകൃത്യമല്ലാതാക്കിയത്. ഫ്രാന്‍സില്‍ പത്തില്‍ ഒരാള്‍ ഇന്‍സെസ്റ്റ് പീഡനത്തിന്റെ ഇരയാണെന്ന് ഈ അടുത്ത് നടന്ന അഭിപ്രായ സര്‍വ്വേയില്‍ കണ്ടെത്തിയിരുന്നു. ഇതില്‍ 78 ശതമാനവും സ്ത്രീകളാണ്. എന്നാല്‍, അതില്‍ പത്തുശതമാനം പേര്‍ മാത്രമാണ് പരാതി നല്‍കുന്നത് എന്നും സര്‍വ്വേയില്‍ കണ്ടെത്തിയിരുന്നു.
ഇന്ത്യ, ചൈന, ലക്‌സംബര്‍ഗ്, സിംഗപ്പൂര്‍, സെര്‍ബിയ, ഇസ്രയേല്‍, നെതര്‍ലാന്റ്, അര്‍ജന്റീന, സ്‌പെയിന്‍, റഷ്യ, ബ്രസീല്‍, യുഎസ്, പാക്കിസ്ഥാന്‍, സൗത്ത് ആഫ്രിക്ക, ഇറാന്‍, ഇറ്റലി, അഫ്ഗാനിസ്ഥാന്‍, സൗദി അറേബ്യ, മലേഷ്യ തുടങ്ങിയ രാജ്യങ്ങളിലെല്ലാം രക്തബന്ധത്തിലുളളവരുമായുളള ലൈംഗികബന്ധം നിയമവിധേയമാണ്.
