നാട്ടുകാരെ പറ്റിച്ച് നടന്നിരുന്ന മാമച്ചനെന്ന രാഷ്ട്രീയപ്രവര്ത്തകനെ മലയാളികള് അത്ര പെട്ടന്ന് മറക്കില്ല. വലിയ അവകാശവാദങ്ങളൊന്നുമില്ലാതെ തിയറ്ററുകളിലെത്തി ആ വര്ഷത്തെ ഹിറ്റ് ചിത്രങ്ങളിലൊന്നായി മാറിയ വെളളിമൂങ്ങ എന്ന ചിത്രത്തിന്റെ കാര്യമാണ് പറഞ്ഞുവരുന്നത്. ബിജു മേനോനെ നായകനാക്കി നവാഗതനായ ജിബു ജേക്കബ് സംവിധാനം ചെയ്ത ചിത്രം അതുവരെയുണ്ടായിരുന്ന രാഷ്ട്രീയ ആക്ഷേപഹാസ്യ ചിത്രങ്ങളെയെല്ലാം വെല്ലുന്നതായിരുന്നു. ഇപ്പോഴിതാ ചിത്രത്തിന്റെ രണ്ടാംഭാഗം വരുന്നു.
ഈ വര്ഷം തന്നെ വെളളിമൂങ്ങ 2 ചിത്രീകരണം ആരംഭിക്കുമെന്നാണ് ലഭിക്കുന്ന വിവരം. നാല്പ്പതുകാരനായ മാമച്ചന് എന്ന രാഷ്ട്രീയപ്രവര്ത്തകന് നാട്ടുകാരെയും പാര്ട്ടിയെയും പറ്റിച്ച് അവസാനം മന്ത്രിയാകുന്നിടത്താണ് വെളളിമൂങ്ങ അവസാനിച്ചത്. രണ്ടാംഭാഗത്തില് മാമച്ചന് മന്ത്രിയായിത്തന്നെ എത്തുമെന്നാണ് വിവരം. ആദ്യഭാഗത്തില് ബിജു മേനോനൊപ്പം ഉണ്ടായിരുന്ന കഥാപാത്രങ്ങള് തന്നെയാകുമോ രണ്ടാം ഭാഗത്തിലും എന്ന കാര്യത്തില് വ്യക്തത വന്നിട്ടില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
2014-സെപ്റ്റംബറിലായിരുന്നു വെളളിമൂങ്ങ തിയറ്ററുകളിലെത്തിയത്. അജു വര്ഗീസ്, നിക്കി ഗല്റാണി, സിദ്ദിഖ്, ആസിഫ് അലി, ലെന, ടിനി ടോം, സാജു നവോദയ, കെ പി എ സി ലളിത തുടങ്ങിയവരായിരുന്നു ചിത്രത്തിലെ മറ്റു താരങ്ങള്. 2.8 കോടി മുതല്മുടക്കില് നിര്മ്മിച്ച ചിത്രം ഇരുപത് കോടി രൂപയാണ് നേടിയത്.