രാജ്യത്ത് ഒമൈക്രോണ്‍ സാമൂഹ്യവ്യാപന ഘട്ടത്തില്‍; സംസ്ഥാനത്ത് കൺട്രോൾ റൂമുകൾ ശക്തിപ്പെടുത്തി; ആശങ്ക വേണ്ടെന്ന് മന്ത്രി വീണ | News | Coronavirus

തിരുവനന്തപുരം: സാമൂഹ്യ വ്യാപന ഘട്ടത്തിലാണ് രാജ്യത്ത് ഒമൈക്രോണ്‍ വൈറസ് ഇപ്പോഴുള്ളത് എന്ന് ഇന്‍സാഗോഗ് പഠനം. ദേശീയ തലത്തില്‍ രാജ്യത്തുള്ള 10 ലബോറട്ടറികളുടെ സംയുക്ത സംവിധാനമാണ് ഇന്‍സാഗോഗ്. വൈറസുകളുടെ ജനിതക പ്രവര്‍ത്തനങ്ങളെ സംബന്ധിച്ചുള്ള അവരുടെ പഠന റിപ്പോര്‍ട്ടനുസരിച്ച് ആശുപത്രിയില്‍ അഡ്മിറ്റ് ചെയ്യപ്പെടുന്ന കേസുകളുടെ എണ്ണം കൂടിയിട്ടുണ്ട്. തീവ്ര പരിചരണം നല്‍കേണ്ട കേസുകളുടെ എണ്ണത്തിലും നല്ല വര്‍ദ്ധനയാണ് ഉണ്ടായത്.

അതേസമയം, കൊവിഡ് കേസുകൾ ഉയരുന്നതിൽ ഭയമോ ആശങ്കയോ ഉണ്ടാകേണ്ട കാര്യമില്ലെന്ന് ആരോഗ്യ വകുപ്പ് മന്ത്രി വീണാ ജോർജ് പറഞ്ഞു. ഓരോരുത്തരും ആരോഗ്യ സംരക്ഷണം ഉറപ്പാക്കുകയാണ് വേണ്ടത്. സമ്പൂർണ അടച്ചിടൽ ജനങ്ങളുടെ ജീവിതത്തേയും ജീവിതോപാധിയേയും സാരമായി ബാധിക്കും. സംസ്ഥാനമാകെ അടച്ച് പൂട്ടിയാൽ ജനങ്ങളെല്ലാം സാമ്പത്തിക പ്രതിസന്ധിയിലേക്ക് പോകും. കടകൾ അടച്ചിട്ടാൽ വ്യാപാരികളെ ബാധിക്കും. വാഹനങ്ങൾ നിരത്തിലിറങ്ങാതെയിരുന്നാൽ അത് എല്ലാവരേയും ബാധിക്കും. അതിനാൽത്തന്നെ ജനങ്ങളെ ബുദ്ധിമുട്ടിക്കാത്ത ശാസ്ത്രീയമായ സ്ട്രാറ്റജിയാണ് കേരളം ആവിഷ്‌ക്കരിച്ചിരിക്കുന്നത്- മന്ത്രി വ്യക്തമാക്കി.

സംസ്ഥാനത്ത് കോവിഡ് സാഹചര്യത്തിൽ ജില്ലാ കോവിഡ് കൺട്രോൾ റൂമുകളിലെ കോൾ സെന്ററുകളിൽ കൂടുതൽ ഫോൺ നമ്പരുകൾ സജ്ജമാക്കിയതായി ആരോഗ്യ മന്ത്രി അറിയിച്ചു. കോവിഡ് രോഗികളുടെ ചികിത്സയുമായും ക്വാറന്റീനുമായും ബന്ധപ്പെട്ടുള്ള സംശയങ്ങൾക്ക് അതത് ജില്ലകളിൽ തന്നെ വിളിക്കാനാണ് ജില്ലാ കോൾ സെന്ററുകൾ സജ്ജമാക്കിയിരിക്കുന്നത്.

ഗൃഹ നിരീക്ഷണം, പാലിക്കേണ്ട സുരക്ഷാ നടപടികൾ, ചികിത്സ തുടങ്ങിയവയെ സംബന്ധിച്ചുള്ള സംശയങ്ങൾക്ക് വിളിക്കാം. അത്യാവശ്യ ഘട്ടങ്ങളിൽ കോവിഡ് രോഗിയെ ആശുപത്രിയിൽ മാറ്റുന്നതിന് സഹായിക്കുകയും ചെയ്യും. ഇതുകൂടാതെ സംസ്ഥാന തലത്തിൽ ദിശ 104, 1056, 0471 2552056, 2551056 എന്നീ നമ്പരുകളിൽ 24 മണിക്കൂറും വിളിക്കാം. കോവിഡിനെപ്പറ്റിയുള്ള എല്ലാവിധ സംശയങ്ങൾക്കും ഡോക്ടറുടെ ഓൺലൈൻ സേവനങ്ങൾക്കും ദിശയിൽ വിളിക്കാമെന്ന് മന്ത്രി വ്യക്തമാക്കി.

തിരുവനന്തപുരം: 0471 2733433, 0471 2779000, 9188610100, 0471 2475088, 0471 2476088.

കൊല്ലം: 0474 2797609, 8589015556, 0474 2794027, 7592003857.

പത്തനംതിട്ട: 0468 2228220, 0468 2322515.

ആലപ്പുഴ: 0477 2239030, 0477 2239037, 0477 2239036, 0477 2239999.

കോട്ടയം: 9188610015, 9188610017, 9188610016.

ഇടുക്കി: 0486 2249600, 1800 4255640,1800 5991270.

എറണാകുളം: 0484 2368802, 0484 2368702.

തൃശൂർ: 7034099933, 7034099901, 9400066921, 9400066922, 9400006924, 9400066923, 9400006925.

പാലക്കാട്: 0491 2510574, 0491 2510579, 0491 2510589, 0491 2510470, 0491 2510477

മലപ്പുറം: 0483-2733251, 0483-2733252, 9846700711.

കോഴിക്കോട്: 0495 2371471, 0495 2376063, 7594042133.

വയനാട്: 8590902880, 0493 6202343, 0493 6202375.