കോഴിക്കോട്: കോഴിക്കോട് വെളളിമാടുകുന്നിലെ ചില്‍ഡ്രന്‍സ് ഹോമില്‍ നിന്ന് കാണാതായ ആറ് പെണ്‍കുട്ടികളും ബംഗളുരുവിലെന്ന് സൂചന. പെണ്‍കുട്ടികളുടെ സി സി ടി വി ദൃശ്യങ്ങള്‍ പൊലീസിന് ലഭിച്ചു. ഇന്നലെ വൈകീട്ടോടെയാണ് പെണ്‍കുട്ടികളെ കാണാതായത്. റിപ്പബ്ലിക് ദിനാഘോഷങ്ങള്‍ക്കുശേഷം പെണ്‍കുട്ടികള്‍ കെട്ടിടത്തിനുമുകളില്‍ ഏണിവെച്ച് ഇറങ്ങിപ്പോയതാണ് എന്നാണ് പ്രാഥമിക നിഗമനം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കാണാതായ ആറുപേരില്‍ അഞ്ചുപേരും കോഴിക്കോട് സ്വദേശികളും ഒരാള്‍ കണ്ണൂര്‍ സ്വദേശിയുമാണ്. ആറുപേര്‍ക്കും പ്രായപൂര്‍ത്തിയായിട്ടില്ല. സി സി ടി ദൃശ്യങ്ങളടക്കം പരിശോധിച്ച് കുട്ടികളെ എത്രയും പെട്ടന്ന് കണ്ടെത്താനുളള ശ്രമത്തിലാണ് പൊലീസ്. സംഭവത്തില്‍ സംസ്ഥാന ബാലാവകാശ കമ്മീഷന് സ്വമേധയാ കേസെടുത്തിട്ടുണ്ട്. മാധ്യമവാര്‍ത്തകളുടെ അടിസ്ഥാനത്തില്‍ ബാലാവകാശ കമ്മീഷന് ചെയര്‍മാന്‍ കെ വി മനോജ് കുമാറാണ് കേസെടുത്തത്.
