സൗദി അറേബ്യയിൽ കൊവിഡ്-19 ബാധിച്ച് നാല് പേര്‍ കൂടി മരിച്ചു. ഇതോടെ സൗദിയിൽ മരണ സംഖ്യ 25 ആയി. ഇന്ന്154 പേര്‍ക്ക് കൂടി കൊവിഡ് സ്ഥിരീകരിച്ചു. ഇവരിൽ 3 പേർ വീട്ടിൽ നിരീക്ഷണത്തിലുള്ളവരാണ്. രാജ്യത്ത് ആകെ കൊവിഡ് ബാധിതരുടെ എണ്ണം 2039 ആയി ഉയര്‍ന്നു. 351 പേർ രോഗമുക്തരായി . ഇന്ന് 23 പേര്‍ക്കാണ് രോഗം മാറിയത്. സൗദിയിൽ 1700 ഓളം പേരാണ് ചികിത്സയിലുള്ളത്. ഇതിൽ 40 ഓളം പേരുടെ നില ഗുരതരമാണ്. 151 പേർക്ക് സാമൂഹ്യ സമ്പര്‍ക്കത്തിലൂടെയാണ് രോഗം പടര്‍ന്നത്.
മദീനയിലാണ് ഏറ്റവും കൂടുതൽ ആളുകൾക്ക് രോഗം ബാധിച്ചത്. ജിദ്ദ 30 പേർക്കും മക്കയിൽ 21 പേർക്കും രോഗം സ്ഥിരീകരിച്ചു. റിയാദ് പ്രവിശ്യയിലാണ് ഏറ്റവും കൂടുതൽ രോഗികളുള്ളത്. ഏറ്റവും കുറവ് അറാർ പ്രവിശ്യയിലാണ്. രണ്ട് രോഗികളാണ് ഇവിടെ ഉണ്ടായിരുന്നത്. ഇവർക്ക് രണ്ട് പേർക്കും അസുഖം ഭേദമായി.
