കൊവിഡ്-19 പ്രതിരോധ പ്രവർത്തനങ്ങൾക്കായി രൂപീകരിച്ച എംപവർ സമിതികളുടെ യോഗം ചേർന്നു. പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ഡൽഹിയിലാണ് യോഗം നടന്നത്. രാജ്യത്തെ കോറോണ വൈറസ് പ്രതിരോധ പ്രവർത്തനങ്ങൾ യോഗം വിലയിരുത്തി. എംപവർ കമ്മറ്റികളുടെ സംയുക്ത യോഗമാണ് ചേർന്നതെന്ന് പ്രധാനമന്ത്രിയുടെ ഓഫീസ് ട്വിറ്ററിൽ അറിയിച്ചു. ആശുപത്രികളുടെ പ്രവർത്തനം, ഐസൊലേഷൻ, ക്വാറന്റൈൻ തുടങ്ങിയവ സംബന്ധിച്ച് യോഗം വിലയിരുത്തിയതായും പ്രധാനമന്ത്രിയുടെ ഓഫീസ് അറിയിച്ചു.
Also Read
കേന്ദ്ര ആഭ്യന്തര മന്ത്രാലയം മാര്ച്ച് 29-ന് ആണ് 11 എംപവര് ഗ്രൂപ്പുകള് രൂപവത്കരിച്ചത്. രോഗബാധിത മേഖലകള് കണ്ടെത്തൽ പരിഹാരം നിര്ദേശിക്കൽ, നയരൂപീകരണം , പദ്ധതികള്ക്കു രൂപം നല്കൽ, എന്നിവയാണ് എംപവര് ഗ്രൂപ്പുകളുടെ ചുമതല. സെക്രട്ടറിതല ഉദ്യോഗസ്ഥരാണ് 9 സമിതികളുടെ നേതൃത്വം വഹിക്കുന്നത്. ബാക്കിയുള്ളവക്ക് നീതി ആയോഗ് സിഇഒയും നീതി ആയോഗ് അംഗവുമാണ് തലവന്മാര്.