കൊച്ചി: സിനിമയോട് അത്യാഗ്രഹം ഉള്ള ആളാണ് താനെന്നും ഇപ്പോഴും ചാന്സ് ചോദിക്കാറുണ്ടെന്നും നടന് മമ്മുട്ടി. തന്റെ പുതിയ ചിത്രമായ ഭീഷ്മപര്വ്വത്തിന്റെ പ്രേമോഷന്റെ ഭാഗമായി സംസാരിക്കുകയായിരുന്നു അദ്ദേഹം. ചാൻസ് ചോദിക്കാതെ ആരെങ്കിലും അവസരം തരുമോ. ഏതെങ്കിലും സംവിധായകരെ കാണുമ്പോള് അല്ലെങ്കില് എഴുത്തുകാരെ കാണുമ്പോള് നമുക്ക് ഒരു സിനിമ ചെയ്യണ്ടേ എന്ന് താന് ചോദിക്കാറുണ്ടെന്നും അത് ചാന്സ് ചോദിക്കല് തന്നെയാണെന്നും അദ്ദേഹം പറഞ്ഞു.
യഥാര്ത്ഥത്തില് സിനിമയോട് അത്ര അത്യാഗ്രഹം ഉള്ള ആളാണ് ഞാന്. സിനിമയോട് എനിക്ക് അത്രയ്ക്ക് ഭ്രമമാണ്. അതുകൊണ്ട് ചാന്സ് ചോദിച്ചുപോകുന്നതാണ്. അതൊരു കുറവായിട്ട് എനിക്ക് ഇപ്പോഴും തോന്നിയിട്ടില്ല. ചോദിക്കാതെ ഒന്നും കിട്ടില്ലെന്നും മമ്മൂട്ടി പറഞ്ഞു. മുമ്പും അഭിനയത്തോടും സിനിമയോടുമുള്ള തന്റെ താല്പര്യത്തെ കുറിച്ച് മമ്മൂട്ടി തുറന്നു പറഞ്ഞിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കൊവിഡ് തരംഗത്തിന് ശേഷം മമ്മൂട്ടിയുടെ തീയറ്ററില് എത്തുന്ന ആദ്യചിത്രമാണ് അമല് നീരദ് സംവിധാനം ചെയ്ത ഭീഷ്മപര്വ്വം. ഡ്രാമ വിഭാഗത്തില് പെടുന്ന ചിത്രത്തില് മൈക്കിള് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. മുഖ്യധാരാ സിനിമയില് പില്ക്കാലത്ത് കള്ട്ട് പദവി തന്നെ നേടിയ ബിഗ് ബി പുറത്തിറങ്ങി 14 വര്ഷത്തിനു ശേഷമാണ് മമ്മൂട്ടിയും അമല് നീരദും വീണ്ടും ഒന്നിക്കുന്നത്. ബിഗ് ബിയുടെ തുടര്ച്ചയായ ബിലാല് ആണ് ഇരുവരും ചെയ്യാനിരുന്ന ചിത്രം. എന്നാല് വലിയ കാന്വാസും നിരവധി ഔട്ട്ഡോര് സീക്വന്സുകളുമൊക്കെയുള്ള ചിത്രം കൊവിഡ് പശ്ചാത്തലത്തില് അസാധ്യമായതിനാല് ആ ഇടവേളയില് താരതമ്യേന ഒരു ചെറിയ ചിത്രം ചെയ്യുകയായിരുന്നു അവര്.