ഡല്ഹി: രാജ്യത്ത് കൊവിഡ് വ്യാപനം രൂക്ഷമായപ്പോള് ജനങ്ങളെ ബോധവല്ക്കരിക്കാനായി സര്ക്കാര് കൊണ്ടുവന്ന കൊവിഡ് കോളര്ടൂണ് അവസാനിപ്പിക്കുന്നു. രാജ്യം കൊവിഡ് ഭീതിയൊഴിഞ്ഞ് സാധാരണനിലയിലെത്തുന്നതോടെ പ്രീ കോള് സന്ദേശം ഒഴിവാക്കാനാണ് സര്ക്കാരിന്റെ തീരുമാനം എന്നാണ് പി ടി ഐ റിപ്പോര്ട്ട് ചെയ്യുന്നത്. എന്നാല് എപ്പോള് മുതല് കോളര് ട്യൂണ് അവസാനിക്കും എന്ന കാര്യം വ്യക്തമല്ല. ആരോഗ്യമന്ത്രാലയത്തിന്റെ നിര്ദേശപ്രകാരമാണ് മൊബൈല് സേവന ദാതാക്കള് ഇത്തരം സന്ദേശങ്ങള് കോളര് ടൂണായും പ്രീ കോള് സന്ദേശമായും പ്ലേ ചെയ്തുതുടങ്ങിയത്. തുടക്കത്തില് കൗതുകം തോന്നിയിരുന്നെങ്കിലും പിന്നീട് ഈ സന്ദേശം ജനങ്ങള്ക്ക് അരോചകമായി തുടങ്ങിയിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാജ്യത്ത് സമ്പൂര്ണ്ണ ലോക്ക്ഡൗണ് ഏര്പ്പെടുത്തിയ മാര്ച്ച് മുതലാണ് കോളര് ട്യൂണുകള് വന്നുതുടങ്ങിയത്. ആദ്യം അമിതാബ് ബച്ചന്റെ ശബ്ദത്തിലുളള സന്ദേശമായിരുന്നു വന്നത്. പിന്നീട് അതത് സംസ്ഥാനങ്ങളിലെ പ്രാദേശിക ഭാഷകളിലും കോളര് ട്യൂണുകള് വന്നു. ആദ്യഘട്ടത്തില് എല്ലാ കോളുകള്ക്കും മുന്പ് ഈ സന്ദേശം വരുമായിരുന്നു. എന്നാല് അത്യാവശ്യ കാര്യങ്ങള്ക്ക് വിളിക്കുമ്പോഴും കോളുകള് കണക്ടാവാന് സമയമെടുക്കുന്നതിലും ബുദ്ധിമുട്ടുകളുണ്ടായതോടെ ടെലികോം മന്ത്രാലയത്തിന് നിരവധി പരാതികള് ലഭിച്ചിരുന്നു. ഇതോടെ ഈ സന്ദേശം കേള്പ്പിക്കുന്നതിന്റെ തവണകള് മൊബൈല് സേവനദാതാക്കള് കുറച്ചു. വാക്സിനുകളുടെ ഫലപ്രാപ്തിയെക്കുറിച്ച് വരുന്ന കിംവദന്തികളില് വിശ്വസിക്കരുതെന്ന് ഓര്മ്മിപ്പിക്കുന്ന 'മരുന്നും ജാഗ്രതയും' ( ദവായി ബി, കടായി ബി) സന്ദേശവും കോളര്ടൂണായി ഉണ്ടായിരുന്നു.