കൊച്ചി: മീ ടൂ ആരോപണത്തെ കുറിച്ചുള്ള വിവാദ പ്രസ്താവനയ്ക്കു പിന്നാലെ നടൻ വിനായകനൊപ്പമുള്ള ചിത്രം പങ്കുവെച്ച് ടിനി ടോം. 'No woman no cry' - എന്ന ബോബ് മാർലിയുടെ വരികൾ ക്യാപ്‌ഷനിൽ ചേർത്തുകൊണ്ടാണ് ടിനി ടോം ചിത്രം പങ്കുവച്ചിരിക്കുന്നത്. കോളേജ് കാലം മുതലുള്ള സൗഹൃദത്തിന്റെ 25 വർഷം ആഘോഷിക്കുന്നു. എന്നെന്നും സുഹൃത്തുക്കൾ എന്നും ക്യാപ്‌ഷനിൽ ടിനി ടോം കുറിച്ചിട്ടുണ്ട്. പിന്നാലെ നിരവധി പേരാണ് പോസ്റ്റിന് താഴെ കമന്റുകളുമായി എത്തിയിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഒരുത്തീ സിനിമയുടെ പത്രസമ്മേളനത്തിനിടെ നടൻ വിനായകൻ നടത്തിയ മീ ടു പരാമർശം ഏറെ വിവദങ്ങൾക്ക് വഴിവച്ചിരുന്നു. പത്ത് പെണ്ണുങ്ങൾക്കൊപ്പം ജീവിതത്തിൽ സെക്‌സ് ചെയ്‌തിട്ടുണ്ടെന്നും ഇനിയും ചെയ്യണമെന്ന് തോന്നിയാൽ ചോദിക്കുമെന്നും വിനായകന്‍ പറഞ്ഞത് ഇപ്പോഴും സമൂഹ മാധ്യമങ്ങളില്‍ ചര്‍ച്ചാ വിഷയമാണ്. വിവാദങ്ങള്‍ ഉയര്‍ന്നതിന് പിന്നാലെ സ്ത്രീ വിരുദ്ധ പരാമര്‍ശത്തില്‍ വിനായകൻ ക്ഷമാപണം നടത്തുകയും ചെയ്തതാണ്. എന്നാലിപ്പോള്‍, ടിനി ടോമിന്‍റെ 'നോ വിമൺ നോ ക്രൈ!' പരാമര്‍ശം വിനായകാനുള്ള സപ്പോര്‍ട്ടും അംഗീകാരവുമാണെന്ന തരത്തിലാണ് സോഷ്യല്‍ മീഡിയ പ്രൊഫൈലുകള്‍ വിലയിരുത്തുന്നത്.
