ഡല്ഹി: രാജ്യസുരക്ഷയ്ക്കും വിദേശ ബന്ധത്തിനും ഭീഷണിയാണെന്നാരോപിച്ച് ഇന്ത്യയിലെ 22 യു ട്യൂബ് ചാനലുകള്ക്ക് കേന്ദ്ര സര്ക്കാര് പൂട്ടിട്ടു. ഒരു വാർത്താ വെബ്സൈറ്റിനെയും വിലക്കി. വാർത്താ വിതരണ മന്ത്രാലയത്തിന്റെ നിർദേശപ്രകാരമാണ് കേന്ദ്രസർക്കാർ യൂട്യൂബ് ചാനലുകളെയും വെബ്സൈറ്റും വിലക്കിയത്. വിലക്കിയവയിൽ 18 എണ്ണം ഇന്ത്യ കേന്ദ്രീകരിച്ചും മൂന്നെണ്ണം പാകിസ്ഥാൻ കേന്ദ്രീകരിച്ചും പ്രവർത്തിക്കുന്നവയാണ്. എആര്പി ന്യൂസ്, സര്ക്കാരി ബാബു, ന്യൂസ് 23 ഹിന്ദി, കിസാന് തദ്ദ്, ഭാരത് മോസം തുടങ്ങിയ വലിയ സബ്സ്ക്രൈബര് ബെസുള്ള യു ട്യൂബ് ചാനലുകളാണ് നിരോധിച്ചിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
260 കോടി കാഴ്ചക്കാരുള്ള ഈ ചാനലുകള് വ്യാജ വാര്ത്തകളും സോഷ്യല് മീഡിയ വഴി തെറ്റായ വിവരങ്ങളും പടര്ത്തുകയാണെന്ന് ഇന്റഫോര്മേഷന് ആന്റ് ബ്രോഡ്കാസ്റ്റിംഗ് മന്ത്രാലയം പ്രസ്താവനയില് വ്യക്തമാക്കി. ഫെബ്രുവരിയിൽ ഐടി ഇന്റർമീഡിയറി ചട്ടങ്ങൾ പുറത്തിറക്കിയ ശേഷം ആദ്യമായാണ് ഇത്രയും അക്കൗണ്ടുകൾക്കും ചാനലുകൾക്കും എതിരെ ഒരുമിച്ച് നടപടി വരുന്നത്.