നടി ആന്‍ അഗസ്റ്റിന്‍ നിര്‍മ്മാതാവാകുന്നു

കൊച്ചി: സിനിമാ നിര്‍മ്മാണ രംഗത്തേക്ക് കടന്ന് നടി ആന്‍ അഗസ്റ്റിന്‍. 'അടി കപ്യാരെ കൂട്ടമണി' എന്ന മലയാളം ചിത്രത്തിന്‍റെ കന്നഡ റീമേക്കാണ് ആന്‍ അഗസ്റ്റിന്‍ നിര്‍മ്മിച്ചിരിക്കുന്നത്. കഴിഞ്ഞ വര്‍ഷമാണ് നിര്‍മ്മാണ രംഗത്തേക്ക് കടക്കുന്ന വിവരം ആന്‍ ആരാധകരുമായി പങ്കുവെച്ചത്. നിര്‍മ്മാണ രംഗത്തേക്ക് തന്‍റെ ആദ്യത്തെ ചുവടുവെപ്പാണിത്. ഏറെ നാളത്തെ മാറി നില്‍ക്കലുകള്‍ക്ക് ശേഷം പരിചിതമായ ഇടങ്ങളിലേക്കും വേരുകളിലേക്കും താന്‍ തിരികെ പോവുകയാണെന്നായിരുന്നു ആന്‍ തന്‍റെ തിരിച്ചുവരവിനെക്കുറിച്ച് സാമൂഹിക മാധ്യമങ്ങളില്‍ പങ്കുവെച്ചത്.

നവാഗതനായ ജോണ്‍ വര്‍ഗീസിന്‍റെ സംവിധാനത്തില്‍ 2015-ല്‍ പുറത്തിറങ്ങിയ ചിത്രമാണ് അടി കപ്യാരേ കൂട്ടമണി. ഈ ചിത്രം 'അബ്ബബ്ബാ' എന്നാ പേരിലാണ് കന്നഡയില്‍ പുറത്തിറങ്ങുന്നത്. ചിത്രത്തിന്‍റെ ഫസ്റ്റ് ലുക്ക് പോസ്റര്‍ ആന്‍ തന്‍റെ ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. ചിത്രത്തിന്‍റെ നിര്‍മ്മാണവുമായി ബന്ധപ്പെട്ട് തനിക്ക് വലിയ സംഘര്‍ഷങ്ങളുണ്ടായിട്ടുണ്ട്. ഒപ്പം, രസകരമായ കുറെ അനുഭവങ്ങളും ഓര്‍മ്മകളും ഈ സിനിമ തനിക്ക് തന്നു. ഈ യാത്രയില്‍ ഒപ്പം നിന്നവര്‍ക്ക് വളരെ നന്ദി. നീണ്ട കാത്തിരിപ്പാണ് നിങ്ങളുമായി പങ്കുവെക്കുന്നതെന്നും ആന്‍ ഫസ്റ്റ് ലുക്ക് പോസ്റ്റര്‍ പങ്കുവെച്ചുകൊണ്ട് പറഞ്ഞു. ആന്‍ തന്‍റെ ആദ്യ നിര്‍മ്മാണ ചിത്രം അമ്മക്കാണ് സമര്‍പ്പിച്ചിരിക്കുന്നത്.     

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

അബ്ബബ്ബാ എന്ന റീമേക്ക് സിനിമയില്‍ ലികിത് ഷെട്ടി, അമൃത അയ്യങ്കാര്‍, അജയ് രാജ്, താണ്ഡവ്, ധന്‍രാജ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. കെ എം ചൈതന്യയാണ്  സംവിധാനം. അടി കപ്യാരെ കൂട്ടമണി മലയാളത്തില്‍ സാമ്പത്തിക വിജയം നേടിയ ഒരു ചിത്രമാണ്. ധ്യാന്‍ ശ്രീനിവാസന്‍, നമിത പ്രമോദ്, മുകേഷ്, അജു വര്‍ഗീസ്, വിനീത് മോഹന്‍, നീരജ് മാധവ്, എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഈ സിനിമ തമിഴിലേക്കും റീമേക്ക് ചെയ്തിട്ടുണ്ട്. 'എല്‍സമ്മ എന്ന ആണ്‍കുട്ടി' എന്ന ചിത്രത്തിലൂടെയാണ് ആന്‍ സിനിമയില്‍ അരങ്ങേറ്റം കുറിക്കുന്നത്. 

Contact the author

Entertainment Desk

Recent Posts

Web Desk 13 hours ago
Cinema

ടൊവിനോ - കീര്‍ത്തി സുരേഷ് ചിത്രം 'വാശി' ഒ ടി ടിയിലേക്ക്

More
More
Cinema

കമല്‍ ഹാസന്‍റെ 'വിക്രം' ഒ ടി ടി യിലേക്ക്

More
More
Web Desk 1 week ago
Cinema

ആക്ഷൻ ഹീറോ ബിജുവിന് രണ്ടാം ഭാ​ഗം; നിര്‍മ്മാതാവ് നിവിന്‍ പോളി

More
More
Cinema

മിതാലി രാജിന്‍റെ ബയോപിക്ക് ‘സബാഷ് മിത്തു' ട്രെയിലര്‍ പുറത്ത്

More
More
Cinema

'ബ്രഹ്‍മാസ്‍ത്ര'യുടെ ട്രെയിലര്‍ പുറത്തുവിട്ട് അണിയറ പ്രവര്‍ത്തകര്‍

More
More
Cinema

ബ്രഹ്‍മാസ്‍ത്ര; ക്യാരക്ടര്‍ പോസ്റ്റര്‍ പുറത്ത് വിട്ട് അമിതാഭ് ബച്ചൻ

More
More