ഡല്ഹി: ജയിലുകളില് കൊവിഡ് വ്യാപനം ശക്തമായതിനെ തുടര്ന്ന് ശിക്ഷയില് ഇളവ് ലഭിച്ച് പരോളില് ഇറങ്ങിയ തടവുകാര് ജയിലിലേക്ക് മടങ്ങണമെന്ന് സുപ്രീംകോടതി. ഇത് സംബന്ധമായ കോടതി ഉത്തരവ് ഏപ്രില് 29 (വെള്ളിയാഴ്ച്ച) പുറപ്പെടുവിക്കുമെന്ന് ജസ്റ്റിസുമാരായ ബി ആര് ഗവായി, എല് നാഗേശ്വര് എന്നിവരടങ്ങിയ ബെഞ്ച് വ്യക്തമാക്കി. കേരളത്തില് ഇപ്പോള് കൊവിഡ് ഭീഷണി നിലനില്ക്കുന്നില്ല- പരോള് കാലാവധി നീട്ടി നല്കണമെന്നാവശ്യപ്പെട്ട് നിരവധി കേസുകളില് ശിക്ഷിക്കപ്പെട്ട് ജയിലില് കഴിയുന്ന പ്രതികള് നല്കിയ ഹര്ജികള് പരിഗണിക്കവെ കോടതി നിരീക്ഷിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കൊവിഡ് വ്യാപനം മൂലം പരോള് ലഭിച്ച തടവുകാര് ആവശ്യാനുസരണം ആസ്വദിച്ചിട്ടുണ്ടെന്നും ഇനി ജയിലിലേക്ക് മടങ്ങാന് തയാറാകണമെന്നും കോടതി പറഞ്ഞു. പരോള് കാലാവധി നീട്ടണമെന്നാവശ്യപ്പെട്ട് ടി പി ചന്ദ്രശേഖരന് കൊലക്കേസിലെ പ്രതികളായ കെ സി രാമചന്ദ്രന്, മുഹമ്മദ് ഷാഫി, ടി കെ രജീഷ് എന്നിവരടക്കമുള്ളവര് നല്കിയ ഹര്ജികളാണ് കോടതി പരിഗണിച്ചത്.