കാലിഫോര്ണിയ: ലോകോത്തര ബാസ്ക്കററ്ബോള് താരം കോബി ബ്രയാന്റും മകളും ഹെലികോപ്റ്റര് അപകടത്തില് മരിച്ചു. കൂടെയുണ്ടായിരുന്ന മറ്റ് ഒന്പത്പേരും മരണപ്പെട്ടിട്ടുണ്ട്. കാലിഫോര്ണിയയ്ക്കടുത്ത് കലാബസാസില് ഞായറാഴ്ച രാവിലെയാണ് അപകടം. മരണപ്പെട്ട മറ്റുള്ളവരെ തിരിച്ചറിയാന് കഴിഞ്ഞിട്ടില്ല. മോശം കാലാവസ്ഥയാണ് അപകടകാരണമെന്നാണ് പ്രാഥമിക നിഗമനം. സംഭവമറിഞ്ഞയുടനെ രക്ഷാപ്രവര്ത്തകര് സ്ഥലത്തെത്തിയെങ്കിലും അപകടത്തില്പ്പെട്ടവരുടെ ജീവന് രക്ഷിക്കാനായില്ല.
മകള് ജിയാനയെ ബാസ്ക്കറ്റ്ബോള് പരിശീലനത്തിന് കൊണ്ടുപോകവേയാണ് 11പേര്ക്ക് ദാരുണമായ അന്ത്യം ഉണ്ടായത്. കോബി-യുടെ സ്വകാര്യ ഹെലികോപ്റ്ററാണ് അപകടത്തില്പെട്ടത്. ഇതിഹാസ താരത്തിന്റെ അപ്രതീക്ഷിതമായ വിയോഗത്തില് ലോകോത്തര കായികതാരങ്ങള് ഞെട്ടല് രേഖപ്പെടുത്തി. ഹൃദയഭേദകമാണ് കോബിയുടെ വിയോഗവാര്ത്തയെന്ന് ലെയണല് മെസ്സി തന്റെ അനുശോചന സന്ദേശത്തില് പറഞ്ഞു.