തിരുവനന്തപുരം: ചെറിയ പെരുന്നാള്‍ പ്രമാണിച്ച് സംസ്ഥാനത്ത് നാളെയും (ചൊവ്വാഴ്ച) അവധി പ്രഖ്യാപിച്ചു. ചെറിയ പെരുന്നാളിന് നേരത്തെതന്നെ തിങ്കളാഴ്ച അവധി പ്രഖ്യാപിച്ചിരുന്നു. എന്നാല്‍ ഞായര്‍ രാത്രി ശവ്വാല്‍ മാസപ്പിറവി കാണാതിരുന്ന പശ്ചാത്തലത്തില്‍ പെരുന്നാള്‍ ചൊവ്വാഴ്ചയിലേക്ക് ഉറപ്പിക്കുകയായിരുന്നു. എന്നാല്‍ സംസ്ഥാനത്ത് ഇന്ന് പ്രഖ്യാപിച്ചിരുന്ന അവധിയില്‍ സര്‍ക്കാര്‍ മാറ്റം വരുത്തിയിരുന്നില്ല.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ചൊവ്വാഴ്ച എല്ലാ സര്‍ക്കാര്‍ സ്ഥാപനങ്ങളും വിദ്യാഭ്യാസ സ്ഥാപനങ്ങള്‍ക്കും ബാങ്കുകള്‍ക്കും അവധി നല്‍കുമെന്ന് സര്‍ക്കാര്‍ അറിയിച്ചു. റംസാന്‍ വ്രതമാസം 30 പൂര്‍ത്തിയാക്കി പെരുന്നാള്‍ ചൊവ്വാഴ്ച്ച ആയിരിക്കുമെന്ന് വിവിധ ഖാസിമാര്‍ ഞായറാഴ്ച പ്രഖ്യാപിച്ചിരുന്നു. ഇതിന്റെ അടിസ്ഥാനത്തിലാണ് നാളെ കൂടി അവധി നല്‍കാന്‍ സംസ്ഥാന സര്‍ക്കാര്‍ തീരുമാനിച്ചത്.
