പി സി ജോര്‍ജ്ജിനോട് പ്രതികരിക്കാനില്ല; നെഗറ്റീവായവരോടുളള പ്രതികരണം കുറയ്ക്കുന്നതാണ് ഏറ്റവും നല്ലത്- എം എ യൂസഫലി

ഷാര്‍ജ: പി സി ജോര്‍ജ്ജ് തനിക്കെതിരെ നടത്തിയ പ്രസ്താവന പിന്‍വലിച്ചതിനാല്‍ ആ വിഷയത്തില്‍ പ്രതികരിക്കാനില്ലെന്ന് ലുലു ഗ്രൂപ്പ് ചെയര്‍മാന്‍ എം എ യൂസഫലി പറഞ്ഞു. കാര്യങ്ങള്‍ തിരിച്ചറിയാന്‍ കഴിവുളളവരാണ് മലയാളികളെന്നും തന്നെ കുറിച്ച് പറയുന്ന കാര്യങ്ങള്‍ തെറ്റോ ശരിയോ എന്ന് വിലയിരുത്താന്‍ മലയാളികള്‍ക്ക് കഴിയുമെന്നും യൂസഫലി പറഞ്ഞു. ഷാര്‍ജയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. 'നെഗറ്റീവ് ആയ ആളുകളോട് നിങ്ങള്‍ പ്രതികരിക്കുന്നത് എത്രത്തോളം കുറയ്ക്കുന്നുവോ അത്രത്തോളം നിങ്ങളുടെ ജീവിതം കൂടുതല്‍ സമാധാനപരമായിരിക്കും' എന്നും ശ്രീബുദ്ധനെ ഉദ്ദരിച്ച് എം എ യൂസഫലി പറഞ്ഞു. 

മതവിദ്വേഷ പ്രസംഗത്തില്‍ അറസ്റ്റിലായി ഉപാധികളോടെ ജാമ്യം ലഭിച്ചതിനുപിന്നാലെ പി സി ജോര്‍ജ്ജ് എം എ യൂസഫലിക്കെതിരായ പരാമര്‍ശം തിരുത്തിയിരുന്നു. "സംസാരത്തിനിടയില്‍ മനസിലുളള ആശയവും പറഞ്ഞതും രണ്ടായിപ്പോയി. യൂസഫലി എല്ലായിടത്തും മാള് തുടങ്ങിയാല്‍ പാവപ്പെട്ട കച്ചവടക്കാര്‍ പട്ടിണിയിലായിപ്പോകും. അതുകൊണ്ട് എല്ലാവരും ലുലുമാളില്‍ കയറരുത് എന്നാണ് ഞാന്‍ പറയാനുദ്ദേശിച്ചത്. അത് അദ്ദേഹത്തെ അപമാനിക്കാനായിരുന്നില്ല. ആ പ്രസ്താവന പിന്‍വലിക്കുകയാണ്"- എന്നാണ് പി സി ജോര്‍ജ്ജ് പറഞ്ഞത്.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

"യൂസഫലിയുടെ മാള് എന്താ മലപ്പുറത്തുണ്ടാക്കാത്തേ. കോഴിക്കോട്ടെന്താ മാളുണ്ടാക്കാത്തേ? ഞാനത് നേരിട്ട് ചോദിച്ചിരുന്നു. എന്താ കാര്യം? മുസ്ലീങ്ങളുടെ കാശ് അങ്ങേര്‍ക്ക് വേണ്ട. നിങ്ങളുടെ കാശ് മതി. നിങ്ങള് പെണ്ണുങ്ങളും എല്ലാവരും കൂടെ ചാടിക്കേറി പോകുവല്ലേ മാളിനകത്തോട്ട്. നിങ്ങടെ കാശ് മുഴുവന്‍ വാങ്ങിയെടുക്കുകയല്ലേ അയാള്. നിങ്ങളത് തിരിച്ചറിയണം. ഒരു കാരണവശാലും നിങ്ങളുടെ ഒരു രൂപപോലും ഇതുപോലുളള സ്ഥാപനങ്ങള്‍ക്ക് കൊടുക്കാന്‍ പാടില്ല"-എന്നായിരുന്നു പി സി ജോര്‍ജ്ജ് അനന്തപുരി ഹിന്ദു മഹാസമ്മേളനത്തില്‍ നടത്തിയ പ്രസംഗത്തിനിടെ പറഞ്ഞത്.

Contact the author

Web Desk

Recent Posts

Web Desk 6 hours ago
Keralam

ഭാവിയില്‍ പ്രധാനമന്ത്രിയാകേണ്ട രാഹുല്‍ ഗാന്ധിയുടെ അവസ്ഥ ഇതാണെങ്കില്‍ സാധാരണക്കാരന്റെ കാര്യം എന്താവും?- ധര്‍മ്മജന്‍ ബോള്‍ഗാട്ടി

More
More
Web Desk 7 hours ago
Keralam

രാഹുല്‍ഗാന്ധിയുടെ ഓഫീസ് തകര്‍ത്ത സംഭവം; കുറ്റക്കാര്‍ക്കെതിരെ കര്‍ശന നടപടി സ്വീകരിക്കും - മുഖ്യമന്ത്രി

More
More
Web Desk 8 hours ago
Keralam

എസ് എഫ് ഐ നിരോധിക്കപ്പെടേണ്ട തീവ്രവാദ സംഘടനയാണ്- പി സി വിഷ്ണുനാഥ്

More
More
Web Desk 8 hours ago
Keralam

രാഹുല്‍ ഗാന്ധിയുടെ ഓഫിസിന് നേരെയുള്ള അതിക്രമം നേതൃത്വത്തിന്‍റെ അറിവോടെയല്ല - വി പി സാനു

More
More
Web Desk 8 hours ago
Keralam

അട്ടപ്പാടി മധു കേസ്: സ്‌പെഷ്യൽ പബ്ലിക് പ്രോസിക്യൂട്ടർ രാജിവച്ചു

More
More
Web Desk 9 hours ago
Keralam

രാഹുല്‍ ഗാന്ധിയുടെ ഓഫീസ് തകര്‍ത്ത എസ് എഫ് ഐ പ്രവര്‍ത്തകര്‍ക്കെതിരെ കര്‍ശന നടപടി സ്വീകരിക്കും - എം എ ബേബി

More
More