ലോകത്താകെ മരിച്ചവരുടെ എണ്ണം 82,080 ആയി, കഴിഞ്ഞ 24 മണിക്കൂറിനുള്ളില്‍ ഫ്രാന്‍സില്‍ മരിച്ചത് 1,417 പേര്‍

47,894 - പേര്‍ ഗുരുതരാവസ്ഥയില്‍

ഇതുവരെ ലോകത്താകെ കൊറോണ വൈറസ് ബാധയേറ്റു മരണമടഞ്ഞവരുടെ എണ്ണം 82,080 എന്നാണ് കണക്ക്. രോഗം ബാധിച്ച് ചികിത്സയില്‍ കഴിയുന്നവര്‍ 14,31,706പേര്‍. വേള്‍ഡ് ഓ മീറ്ററിന്‍റെ കണക്കനുസരിച്ച് 47,894  - പേര്‍ രോഗബാധ മൂലം ഗുരുതരാവസ്ഥയിലാണ്. 3, 02,150 - പേര്‍ സുഖം പ്രാപിച്ചു.

ഫ്രാന്‍സില്‍ നില ഗുരുതരം യൂറോപ്പില്‍ 

കൊറോണ ബാധയും മരണനിരക്കും ഏറ്റവും ഉയര്‍ന്ന ഇറ്റലിയെ മറികടക്കുന്ന തരത്തില്‍ നിയന്ത്രനാതീതമാണ് ഫ്രാന്‍സിലെ അവസ്ഥ. ഫ്രാന്‍സില്‍ ഇന്നലെ മാത്രം മരിച്ചത് 1,417 പേരാണ്. 1,09, 069 പേര്‍ക്കാണിവിടെ രോഗം ബാധിച്ചിരിക്കുന്നത്.

 ഇറ്റലി - മരണസംഖ്യയില്‍ നേരിയ കുറവ് 

രോഗബാധിതരില്‍ ഒന്‍പത് ലക്ഷത്തോളം പേര്‍ യൂറോപ്പില്‍ നിന്നാണ്.  ഇറ്റലിയില്‍ ഇതിനകം 17,127 പേര്‍  ഇതിനകം മരണപ്പെട്ടു. 1,35,586-പേര്‍ക്കാണ്  ഇറ്റലിയില്‍ രോഗ ബാധയുണ്ടായത്‌. ഇന്നലെ ഇറ്റലിയില്‍ മരണസംഖ്യയില്‍ നേരിയ കുറവാണ് രേഖപ്പെടുത്തിയത്. 644 പേരാണ് ഇന്നലെ മരണപ്പെട്ടത്.

സ്പെയിന്‍ - ജര്‍മ്മനി 

സ്പെയിനില്‍ ഇതിനകം 14,045 - പേര്‍ മരണപ്പെട്ടു. 1,41,942- പേര്‍ക്കാണ് സ്പെയിനില്‍ രോഗ ബാധയുണ്ടായത്‌. എന്നാല്‍ യൂറോപ്പില്‍ രോഗ ബാധയില്‍ തൊട്ടു പിറകിലുള്ള ജര്‍മ്മനിയില്‍ പക്ഷെ മരണനിരക്ക് കുറയ്ക്കാന്‍ അവര്‍ക്ക് കഴിഞ്ഞിട്ടുണ്ട് എന്നാണ് കണക്കുകള്‍ നല്‍കുന്ന സൂചന. ജര്‍മ്മനിയില്‍ ഇതുവരെ 2,016 - പേരാണ് മരണപ്പെട്ടത്. എന്നാല്‍ രോഗബാധിതരുടെ എണ്ണം 107,663 - ആണ്.

അമേരിക്ക അതിവേഗം മുന്നിലേക്ക് 

അമേരിക്കയില്‍ കോവിഡ്-19 മൂലമുള്ള മരണനിരക്ക് അതിവേഗം ഉയരുകയാണ്. കഴിഞ്ഞ 24 മണിക്കൂറിനകം 1039 പേരാണ് മരണമടഞ്ഞത്.  ഏറ്റവും പുതിയ കണക്കനുസരിച്ച് 12,854  - പേര്‍ ഇതിനകം മരണപ്പെട്ടു.4,004,12 പേര്‍ക്ക് രോഗം സ്ഥിരീകരിച്ചിട്ടുണ്ട്. രോഗികളുടെ എണ്ണവും മരണനിരക്കും ക്രമാതീതമായി കൂടിക്കൊണ്ടിരിക്കുകയാണ്.

രാജ്യത്ത് ഏറ്റവും കൂടുതല്‍ മരണം റിപ്പോര്‍ട്ട് ചെയ്യപ്പെട്ട ന്യൂയോര്‍ക്കില്‍ ഇന്നലെ മാത്രം 731 പേര്‍ മരണമടഞ്ഞു. മരണസംഖ്യ 5,489 ആയി. ഇവിടെ മാത്രം  1,42 ,384 - പേര്‍ക്ക് രോഗബാധ സ്ഥിരീകരിച്ചു.

1,232- പേര്‍ മരണമടഞ്ഞ ന്യൂ ജെഴ്സിയാണ് മരണ - രോഗ നിരക്കില്‍ തൊട്ടുപിറകില്‍ നില്‍ക്കുന്നത്. ഇവിടെ ഇതുവരെ 44,416 പേര്‍ക്ക് രോഗം സ്ഥിരീകരിച്ചിട്ടുണ്ട്. കാലിഫോര്‍ണിയയില്‍ 17,537- പേര്‍ക്ക് രോഗം സ്ഥിരീകരിച്ചിട്ടുണ്ട്. 447- പേര്‍ മരണമടഞ്ഞു. മിഷിഗണ്‍ 845, ഫ്ലോറിഡ - 296, മസ്സാച്ചുസെറ്റ്സ് -356, ലൂസിയാന  - 582, ഇല്ലിനോയിസ് - 380, ജോര്‍ജ്ജിയ -348 എന്നിങ്ങനെയാണ് ഏറ്റവും പുതിയ മരണ നിരക്ക്. 

തലസ്ഥാനമായ വാഷിംഗ്‌ടണില്‍ ഏറ്റവും ഒടുവിലെ കണക്കനുസരിച്ച്   403 പേര്‍ മരണമടഞ്ഞിട്ടുണ്ട്. 8682  പേര്‍ക്കാണിവിടെ  രോഗം സ്ഥിരീകരിച്ചിരിക്കുന്നത്. അമേരിക്കയില്‍ സ്ഥിതിഗതികള്‍ നിയന്ത്രണാതീതമായിത്തന്നെ തുടരുകയാണ്. 

Contact the author

Web Desk

Recent Posts

International

ട്വിറ്ററിലെ കൂട്ടപ്പിരിച്ചുവിടല്‍ സ്ത്രീകളെ ലക്ഷ്യം വെച്ച്; മസ്കിനെതിരെ യുവതികള്‍ കോടതിയില്‍

More
More
Web Desk 1 day ago
International

ട്വിറ്റര്‍ ആസ്ഥാനത്ത് ബെഡ്റൂം; അന്വേഷണ ഉത്തരവിനെതിരെ മസ്ക്

More
More
Web Desk 2 days ago
International

20,000 ജീവനക്കാരെ പിരിച്ചുവിടാനൊരുങ്ങി ആമസോണ്‍

More
More
International

ദക്ഷിണ കൊറിയന്‍ സീരീസുകള്‍ കണ്ട വിദ്യാര്‍ത്ഥികള്‍ക്ക് വധശിക്ഷ വിധിച്ച് ഉത്തരകൊറിയ

More
More
International

പേരുകള്‍ ബോംബും തോക്കുംപോലെ സ്‌ട്രോങ്ങാവണം; രക്ഷിതാക്കള്‍ക്ക് നിര്‍ദേശം നല്‍കി നോർത്ത് കൊറിയ

More
More
International

പുടിന്‍ കോണിപ്പടിയില്‍ നിന്നും കാല്‍വഴുതി വീണു; ഗുരുതരപരിക്കെന്ന് റിപ്പോര്‍ട്ട്

More
More